రెండేళ్ల క్రింద మొదలైన భయం నేటికీ వెంటాడుతూనే ఉంది. మధ్య మధ్యలో కొన్ని నెలల పాటు కరోనా కేసులు నమోదు కాకున్నా అంతలోనే తిరిగి ఒక్కసారిగా కేసులు పెరుగుతుండటం ఆందోళన కలిగిస్తోంది. కరోనా సెకండ్ వేవ్ ముగిసిందనుకునే లోపే ఒమిక్రాన్ రూపంలో మరో వేరియంట్ పలు దేశాలను వణికిస్తోంది. గత కొన్ని రోజులుగా సాధారణ సెలబ్రిటీ అనే తేడాలేకుండా పెద్ద సంఖ్యలో కరోనా బారిన పడుతుండటం చూస్తున్నాం. ఇటీవలే లోకనాయకుడు కమల్ హాసన్, బాలీవుడ్ బ్యూటీ కరీనా కపూర్ , యాక్షన్ కింగ్ అర్జున్ కరోనా బారిన పడగా.. ఇప్పుడు కోలీవుడ్ స్టార్ హీరో చియాన్ విక్రమ్ కరోనా బారిన పడ్డారని తెలియడం సినీ వర్గాల్లో ఆందోళన కలిగిస్తోంది. గత రెండు రోజులుగా హై ఫీవర్తో బాధ పడుతున్న విక్రమ్ కోవిడ్ పరీక్షలు చేయించుకోగా కరోనా పాజిటివ్ అని నిర్ధారణ అయింది. వైద్యుల సూచన మేరకు ప్రస్తుతం చెన్నైలోని తన నివాసంలో హోం క్వారంటైన్లో ఉన్నారు విక్రమ్. అయితే ఆయనకు స్వల్ప కరోనా లక్షణాలు మాత్రమే ఉన్నాయని.. ఎవ్వరూ ఆందోళన చెందాల్సిన అవసరం లేదని విక్రమ్ మేనేజర్ తెలిపారు. కాగా విక్రమ్కు కరోనానేనా లేక ఒమిక్రాన్ వేరియంట్ సోకిందా? అనేది నిర్ధారించడానికి పరీక్ష రిపోర్టులను జీనోమ్ సీక్వెన్సింగ్కు పంపినట్లు తెలుస్తోంది. మరోవైపు కరోనా పట్ల ప్రజలు అప్రమత్తంగా ఉండాలని అధికారులు సూచిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3e2gZhq
v
No comments:
Post a Comment