ఐకాన్ స్టార్ హీరోగా సుకుమార్ దర్శకత్వంలో రూపొందుతోన్న చిత్రం ‘పుష్ప’. ఇందులో తొలి భాగంగా శుక్రవారం (డిసెంబర్ 17) రోజున ది రైజ్ విడుదలైంది. శేషాచల అడవుల్లో జరిగే ఎర్ర చందనం స్మగ్లింగ్ నేపథ్యంలో సినిమా తెరకెక్కింది. పుష్ప మొదటి భాగంలో పుష్ప పాత్రధారి తనకు చిన్నప్పటి నుంచి ఎదురైన అవమానాలను ఎదుర్కొన్ని ఒక్కో మెట్టుగా ఎక్కుతూ ఎర్ర చందనం స్మగ్లింగ్ సిండికేట్కు నాయకుడిగా ఎలా ఎదిగాడనేదే కథ. ఇందులోనే ఓ వైపు అమ్మ సెంటిమెంట్.. మరో వైపు ప్రేమ.. మరో వైపు ఎదగాలనే కసి అనే ఎలిమెంట్స్కు తగ్గ సన్నివేశాలను రాసుకుంటూ ముందుకెళ్లారు డైరెక్టర్ సుకుమార్. సినిమా మెయిన్ విలన్గా ఎంట్రీ ఇచ్చిన భన్వర్ సింగ్ షెకావత్ పాత్రధారిగా నటించిన ఫహాద్ ఫాజిల్తో పుష్ప గొడవ పడటంతో పుష్ప ది రైజ్ సినిమాను ముగించారు. ఇద్దరి మధ్య ఎలాంటి గొడవలు నడిచాయి. ఎవరు ఆధిపత్యం చూపించారు అనే విషయాలు తెలుసుకోవాలంటే పుష్ప 2 సినిమా చూడాల్సిందే అనే ఆసక్తిని క్రియేట్ చేశారు. పుష్ప రెండో భాగం కోసం సుకుమార్ ఆసక్తికరమైన టైటిల్ను ఖరారు చేశారు. దాన్ని పుష్ప ది రూల్గా నిర్ణయించారు. పుష్ప పార్ట్ 1 చివరలో దాన్ని రివీల్ చేశారు. అసలు పుష్ప సిండికేట్ నాయకుడిగా ఎలా రూల్ చేశాడు. అతనికి భన్వర్ సింగ్ షెకావత్ ఎలా అడ్డుపడ్డాడు అనే విషయాలను పుష్ప ది రూల్లో చూడాల్సిందే. ఈ సినిమా షూటింగ్కు కథ, స్క్రీన్ ప్లే అంతా సిద్ధంగా ఉంది. పుష్ప ది రైజ్ విడుదల తర్వాత పుష్ప ది రూల్ షూటింగ్ను స్టార్ట్ చేయాలనుకున్నారట. ఎంటైర్ యూనిట్ బన్నీ, సుకుమార్ ఎప్పుడంటే అప్పుడే రెడీ అంటున్నారు. అంతా అనుకున్నట్లు కుదిరితే వచ్చే ఏడాది ఫిబ్రవరిలో పుష్ప ది రూల్ షూటింగ్ స్టార్ట్ అవుతుందని విశ్వసనీయ వర్గాల సమాచారం. ఆర్య, ఆర్య 2 చిత్రాల తర్వాత అల్లు అర్జున్, సుకుమార్ కాంబినేషన్లో వరుసగా రెండు సినిమాలు రావడం ఇదే ప్రథమం. మైత్రీ మూవీ మేకర్స్, ముత్తం శెట్టి మీడియా సంస్థలు ఈ సినిమాను నిర్మిస్తున్నాయి. ఫిబ్రవరిలో షూటింగ్ స్టార్ట్ చేస్తే వచ్చే ఈ ఏడాది చివర్లో కానీ.. లేదా వచ్చే ఏడాది సంక్రాంతికి కానీ పుష్ప ది రూల్ విడుదలయ్యే అవకాశాలు కనిపిస్తున్నాయి.
from Telugu Movie News | Movie News in Telugu | Movie Gossips in Telugu https://ift.tt/3mynP3h
v
No comments:
Post a Comment