స్టైలిష్ స్టార్ నేడు (డిసెంబర్ 17) రాజ్గా థియేటర్స్లో అడుగుపెట్టేశారు. పుష్ప ది రైజ్ సినిమాలో మాస్ లుక్కుతో దర్శనమిచ్చి తెలుగు ప్రేక్షకులను ఎంతగానో అలరించారు. సుకుమార్ రూపొందించిన ఈ మూవీలో అల్లు అర్జున్ది వన్ మ్యాన్ షో అనే టాక్ బయటకొచ్చింది. ఇతర నటీనటులు, సుకుమార్ దర్శకత్వ ప్రతిభపై మిశ్రమ స్పందన వచ్చింది. ఈ నేపథ్యంలో తాజాగా అల్లు అర్జున్ సినిమాకు ఫుల్ సపోర్ట్ అందిస్తూ ట్విట్టర్లో పోస్ట్ పెట్టారు మెగా పవర్ స్టార్ . 'బన్నీ.. పుష్ప సినిమా సూపర్ హిట్గా నిలవబోతోంది. ఈ సినిమా కోసం చిత్ర యూనిట్ అంతా ఎంతో కష్టపడ్డారు. సుకుమార్ గారు, మీ విజన్ మైండ్ బ్లోయింగ్. రష్మికతోపాటు ఈ చిత్రంలో భాగమైన వారందరికీ శుభాకాంక్షలు' అని పేర్కొంటూ ట్విటర్లో ట్వీట్ చేశారు రామ్ చరణ్. ఆయన చేసిన ఈ ట్వీట్ చూసి మెగా అభిమాన వర్గం పెద్ద ఎత్తున స్పందిస్తోంది. అల్లు అర్జున్- రామ్ చరణ్ కలిసి దిగిన ఫొటోస్ షేర్ చేస్తూ 'పుష్ప' సూపర్ హిట్ కావాలని కోరుకుంటున్నారు మెగా ఫ్యాన్స్. ముత్తంశెట్టి మీడియా అసోషియేషన్లో కలిసి మైత్రీ మూవీ మేకర్స్ నిర్మాతలు భారీ బడ్జెట్ కేటాయించి ఈ ‘పుష్ప’ మూవీ రూపొందించారు. సినిమా విడుదల ముందు ప్రేక్షకుల ముందుకు తెచ్చిన టీజర్, ట్రైలర్, సాంగ్స్ ఈ సినిమాపై భారీగా అంచనాలు నెలకొల్పగా.. సమంత స్పెషల్ సాంగ్ ఆ అంచనాలకు రెక్కలు కట్టింది. తెలుగు, తమిళం, మలయాళం, కన్నడ, హిందీ భాషల్లో విడుదలైన ఈ సినిమాకు అన్ని ఇండస్ట్రీల ప్రముఖుల నుండి మంచి సపోర్ట్ లభించడం విశేషం. ఈ మూవీలో అల్లు అర్జున్ సరసన శ్రీ వల్లి పాత్రలో రష్మిక మందన నటించగా దాక్షాయణిగా అనసూయ, మంగళం శీనుగా సునీల్ నటించారు.
from Telugu Movie News | Movie News in Telugu | Movie Gossips in Telugu https://ift.tt/3GQPxQb
v
No comments:
Post a Comment