ప్రస్తుతం దేశవ్యాప్తంగా ప్రతి ఒక్కరి కన్ను పైనే ఉందని చెప్పడంలో అతిశయోక్తి లేదు. బాహుబలి లాంటి భారీ సినిమా తర్వాత అంతకుమించి అనేలా మెగా, నందమూరి యువ హీరోల కాంబోలో దర్శక ధీరుడు ఈ సినిమాను రూపొందిస్తుండటం ప్రేక్షకుల్లో ఓ రేంజ్ ఆతృత నెలకొల్పింది. పాన్ ఇండియా సినిమాగా రాబోతున్న ఈ చిత్రం కోసం గత కొన్నేళ్లుగా ప్రేక్షకుల ఎదురుచూపులు చూస్తున్నాం. అయితే ఆ ఎదురు చూపులకు ఫుల్స్టాప్ పడే రోజు మరింత దగ్గర పడటంతో ఆసక్తికర ట్వీట్ చేసింది RRR టీమ్. ఈ భారీ సినిమా మొదలుపెట్టి నేటికి సరిగ్గా నాలుగేళ్ళు పూర్తైన సందర్భంగా జక్కన్న బృందం సోషల్ మీడియాలో ఓ ఇంట్రెస్టింగ్ ఫొటో షేర్ చేస్తూ ట్యాగ్ లైన్ రాశారు. అప్పట్లో అంటే నాలుగేళ్ల క్రిందట ఈ సినిమా అనౌన్స్ చేస్తూ , ఇద్దరు హీరోలతో కలిసి రాజామౌళి దిగిన ఓ ఫొటో షేర్ చేసిన సంగతి తెలిసిందే. అప్పటినుంచి నేటి వరకు ఆ ఫొటో సోషల్ మీడియాలో ఎక్కడోచోట దర్శనమిస్తూనే ఉంటుంది. అయితే అదే ఫొటోను తాజాగా మరోసారి పంచుకున్న RRR యూనిట్.. ''నాలుగేళ్ల క్రితం రాజమౌళి ఈ పిక్ పెట్టి ఊహించని విధంగా అంచనాలు నెలకొల్పారు. సినిమా మొదలు పెట్టి 3 ఏళ్ళు పూర్తి చేసుకున్నాం. ఇప్పుడు 50 రోజుల్లో ఈ సినిమా మ్యాజిక్ను రిలీజ్ చెయ్యడానికి సిద్దం చేస్తున్నాం. ఊహించని చిత్ర విచిత్రం.. స్నేహానికి చాచిన హస్తం'' అని పేర్కొన్నారు. దీంతో ఈ ట్వీట్ సోషల్ మీడియాలో వైరల్ అవుతోంది. ఆ 50 రోజులు కూడా ఎప్పుడు గడిచిపోతాయంటూ కామెంట్స్ చేస్తున్నారు మెగా, నందమూరి అభిమానులు. వచ్చే ఏడాది సంక్రాంతి సందర్భంగా జనవరి 7న ప్రపంచ వ్యాప్తంగా RRR మూవీ ప్రేక్షకుల ముందుకు రాబోతోంది. 1920 బ్యాక్డ్రాప్లో ఫిక్షనల్ పీరియాడిక్ డ్రామాగా రూపొందుతున్న ఈ సినిమాలో అల్లూరి సీతారామరాజుగా రామ్ చరణ్ నటిస్తుండగా, కొమురం భీం రోల్ ఎన్టీఆర్ పోషిస్తున్నారు. ఆలియా భట్, ఒలీవియా మోరిస్ హీరోయిన్లుగా నటిస్తున్నారు. సంగీత దిగ్గజం కీరవాణి బాన్లు కడుతున్నారు.
from Telugu Movie News | Movie News in Telugu | Movie Gossips in Telugu https://ift.tt/3npY2Ll
v
No comments:
Post a Comment