సినిమాలు లేవు ఖాళీగా ఉన్నానన్న వెంకీ మామ!.. పరిస్థితి ఇలా అయిపోయిందేంటి?

టాలీవుడ్‌లో పెద్ద హీరోలు ఎవ్వరూ కూడా ఓటీటీకి వెళ్లడం లేదు. కానీ విక్టరీ మాత్రం అలా రీమేక్‌లు చేస్తున్నాడు. ఇలా ఓటీటీలకు వదులుతున్నాడు. నారప్ప విషయంలో ఎంత గందరగోళం జరిగిందో అందరికీ తెలిసిందే. కాంట్రవర్సీలు ఎన్ని వచ్చినా కూడా సురేష్ బాబు మాత్రం వెనుకడుగు వేయలేదు. సినిమాలో నటించడం వరకే నా బాధ్యత.. విడుదల విషయం నాకు సంబంధం లేదు.. అది నిర్మాతల ఇష్టమని వెంకటేష్ నాడు చెప్పాడు. అదే మాట ఇప్పుడు కూడా చెబుతున్నాడు. సినిమా అమెజాన్‌లో నవంబర్ 25న రాబోతోంది. ఈ క్రమంలో వెంకీ మామ మీడియాతో మాట్లాడాడు. ఇక వెంకీ మామ ఎంత సరదాగా ఉంటారు, సెటైర్లు వేస్తుంటారో అందరికీ తెలిసిందే. మీడియాతో జోకులు వేసిన వెంకీ మామ.. కొన్ని నిజాలు పరోక్షంగా చెప్పుకొచ్చాడు. థియేటర్లో వేసినా, ఓటీటీల్లో సినిమా వేసినా చూసే వారు చూస్తారు.. ఎంజాయ్ చేస్తారు అని అన్నాడు. ఇక తన తదుపరి చిత్రాల గురించి చెప్పుకొచ్చాడు. ప్రస్తుతం తన చేతిలో సినిమాలు లేవని, ఖాళీగా ఉన్నాను అంటూ కౌంటర్లు వేశాడు. దీంతో మీడియా ప్రతినిధులంతా నవ్వేశారు. నిజంగానే చేతిలో ఎలాంటి ప్రాజెక్ట్‌లు లేవని, ఇంకా కథలు రెడీ కాలేదని, అందుకే ఖాళీగా ఉంటున్నాను అని చెప్పుకొచ్చాడు. ఎఫ్ 3 సినిమా ముగింపు దశలో ఉందని అన్నాడు. రానాతో చేయబోయే ప్రాజెక్ట్ షూటింగ్ దశలో ఉందని అన్నాడు. తరుణ్ భాస్కర్ ఇంకా కథను రెడీ చేసే పనిలోనే ఉన్నాడని అన్నాడు. మిగతా వాళ్లు కూడా కొన్ని కథలు రెడీ చేస్తున్నారు. కానీ ఇంకా ఏవీ కూడా పూర్తి కాలేదని అన్నాడు. మొతానికి ఇప్పుడు మాత్రం ఖాళీగా ఉన్నానని చెప్పేశాడు.

from Telugu Movie News | Movie News in Telugu | Movie Gossips in Telugu https://ift.tt/30ENQ9a
v