స్టార్ హీరో విక్టరీ వెంకటేశ్ స్టేజ్పై యాంకర్ శ్యామల గాలి పీకేశాడు. అది కూడా స్టేజ్ మీద. అసలు ఆయనకు శ్యామలతో వచ్చిన ఇబ్బంది ఏంటి? ఎందుకని ఆమెను వెంకటేశ్ టార్గెట్ చేశాడనే వివరాల్లోకి వెళితే.. హీరో వెంకటేశ్ నటించిన చిత్రం ‘దృశ్యం 2’. ఎప్పుడో ఈ సినిమా సిద్ధమైంది. అయితే కరోనా పరిస్థితుల కారణంగా సినిమా విడుదల వాయిదా పడుతూ వచ్చింది. దీంతో దృశ్యం 2ను థియేటర్స్లో కాకుండా ఓటీటీలోనే డైరెక్ట్ రిలీజ్ చేయాలని అనుకున్నారు. నిర్ణయం అయిపోయిన తర్వాత థియేటర్స్ ఓపెన్ అయినప్పటికీ దృశ్యం 2 తెలుగు వెర్షన్ను అమెజాన్లోనే విడుదల చేయడానికి నిర్మాతలు డిసైడ్ అయిపోయారు. నవంబర్ 25న దృశ్యం 2 తెలుగు వెర్షన్ విడుదలవుతుంది. మలయాళంలో మోహన్లాల్ హీరోగా చేసిన ఈ సినిమాను తెలుగులో రీమేక్ చేశారు. మలయాళంలో దృశ్యం, దృశ్యం 2 చిత్రాలను తెరకెక్కించిన దర్శకుడు తెలుగు దృశ్యం 2ను డైరెక్ట్ చేశారు. దీనికి సంబంధించిన ప్రెస్మీట్ ఈరోజు హైదరాబాద్లో జరిగింది. దీనికి శ్యామల యాంకర్గా వ్యవహరించారు. ఆమె స్టేజ్పై ఎక్కువగా ఇంగ్లీష్ మాట్లాడుతుండటంతో విక్టరీ వెంకటేశ్ మైక్ అందుకుని నేను బేసిగ్గా ఇంగ్లీష్లో ఎక్కువగా మాట్లాడుతుంటాను. ఇక నువ్వు కూడా ఇంగ్లీష్లో మాట్లాడుతుంటే నాకు తెలుగు ఎక్కడ వస్తుంది అన్ని అన్నారు. అయితే ఇందులో తన తప్పేం లేదని, ప్రెస్మీట్కు నేషనల్ మీడియా కూడా వచ్చింది. కాబట్టి అమెజాన్ ప్రతినిధులు తనను ఇంగ్లీష్లో మాట్లాడమన్నారని అందుకే తాను మాట్లాడానని శ్యామల వివరణ ఇచ్చింది. తర్వాత సినిమాలో రాంబాబు పాత్ర గురించి ఆమె ప్రశ్నించడం వెంకటేశ్ జవాబులు ఇవ్వడం జరిగాయి. మలయాళంలో మోహన్లాల్ హీరోగా జీతూ జోసెఫ్ డైరెక్ట్ చేసిన దృశ్యం చాలా పెద్ద హిట్ అయ్యింది. ఆ ఫ్యామిలీ ఎంటర్టైనర్లో తన కుటుంబాన్ని కాపాడుకోవడానికి తండ్రి ఏం చేశాడనేదే ప్రధానాంశం. ఆ సినిమా తెలుగు రీమేక్ను శ్రీప్రియ అప్పట్లో డైరెక్ట్ చేశారు. తర్వాత దృశ్యం 2 రూపొందింది. కరోనా ఫస్ట్ వేవ్ కారణంగా ఆ సినిమాను నేరుగా అమెజాన్ ప్రైమ్లోనే విడుదల చేశారు. సినిమాకు అద్భుతమైన స్పందన వచ్చింది. దీంతో తెలుగులో రీమేక్ చేశారు. వెంకటేశ్ హీరోగానే చేశారు. అయితే ఈసారి తెలుగు వెర్షన్ను శ్రీప్రియ స్థానంలో జీతూ జోసెఫ్ డైరెక్ట్ చేశారు. తెలుగు దృశ్యం 2 కూడా నేరుగా అమెజాన్లోనే విడుదలవుతుండటం గమనార్హం.
from Telugu Movie News | Movie News in Telugu | Movie Gossips in Telugu https://ift.tt/327mjh2
v
No comments:
Post a Comment