టాలీవుడ్ రౌడీ స్టార్ హీరోగా డైనమిక్ డైరెక్టర్ పూరీ జగన్నాథ్ రూపొందిస్తున్న పాన్ ఇండియా మూవీ ‘లైగర్’. ''సాలా క్రాస్ బ్రీడ్'' అనే ట్యాగ్ లైన్తో బాక్సింగ్ నేపథ్యంలో భారీ రేంజ్లో ఈ సినిమాను తెరకెక్కిస్తున్నారు. చిత్రంలో బాలీవుడ్ బ్యూటీ అనన్యా పాండే హీరోయిన్గా నటిస్తుండగా.. బాక్సింగ్ దిగ్గజం మైక్ టైసన్ను కీలకపాత్ర కోసం తీసుకున్నారు. ఈ నేపథ్యంలో తాజాగా సెట్స్ మీదకు వచ్చేశారు . ప్రస్తుతం అమెరికాలో లైగర్ షూటింగ్ శరవేగంగా సాగుతోంది. ఇటీవల ప్రారంభమైన షెడ్యూల్లో కీలక సన్నివేశాల చిత్రీకరణ జరుపుతున్నారు. తాజాగా విజయ్ దేవరకొండ- మైక్ టైసన్ కాంబోలో కొన్ని సన్నివేశాల చిత్రీకరణ సాగుతోంది. ఈ సందర్బంగా తొలిసారి మైక్ టైసన్ని కలిసిన విజయ్ దేవరకొండ ఎంతో ఎగ్జైట్ అవుతూ ఆ విషయాన్ని ట్విట్టర్ వేదికగా పంచుకున్నారు. ఆయనతో కలిసిన దిగిన పిక్ షేర్ చేస్తూ ఈ క్షణాలు జీవితంలో ఎప్పటికీ మరువలేనివని చెప్పారు. ఎప్పుడూ ఇవి ప్రత్యేకం అని పేర్కొన్నారు. బాలీవుడ్లో ప్రముఖ నిర్మాణ సంస్థ అయిన ధర్మ ప్రొడక్షన్స్తో కలిసి పూరి కనెక్ట్స్ సంయుక్తంగా నిర్మిస్తున్న ఈ లైగర్ సినిమా నిర్మాణంలో ఛార్మి భాగమవుతోంది. సీనియర్ హీరోయిన్ రమ్యకృష్ణ ముఖ్య పాత్ర పోషిస్తోంది. రియాలిటీకి దగ్గరగా ఉండేలా కనిపించడానికి విజయ్ దేవరకొండ ప్రత్యేకంగా థాయ్లాండ్లో బాక్సింగ్ శిక్షణ కూడా తీసుకున్నారు. ఈ సినిమాకి వరల్డ్ వైడ్గా హైప్ తీసుకురావడంలో భాగంగా ఇందులో ప్రపంచ బాక్సింగ్ దిగ్గజం మైక్ టైసన్తో కొన్ని సన్నివేశాలు షూట్ చేస్తున్నారని టాక్. వచ్చే ఏడాది గ్రాండ్గా ఈ మూవీ రిలీజ్ కానుంది.
from Telugu Movie News | Movie News in Telugu | Movie Gossips in Telugu https://ift.tt/3DnJlxN
v
No comments:
Post a Comment