నోట మాట రావడం లేదు.. వీడియో చూపుతూ చిరంజీవిపై బండ్ల గణేష్ కామెంట్స్

సాధారణంగా పవన్ కళ్యాణ్ నా దేవుడు అని చెప్పుకుంటూ ఆయనంటే పడిచచ్చే .. సమయం వచ్చినప్పుడు మెగాస్టార్ చిరంజీవిపై కూడా కామెంట్స్ చేస్తుండటం చూస్తూనే ఉన్నాం. తాజాగా అలాంటి ఓ సందర్భం వచ్చింది. దీంతో గొప్పతనం అందరికీ తెలిసేలా ఓ వీడియో పోస్ట్ చేస్తూ కామెంట్స్ చేశారు బండ్ల గణేష్. హైద్రాబాద్ అమీర్‌పేటలో యోదా డయాగ్నస్టిక్ సెంటర్ ప్రారంభోత్సవ కార్యక్రమం జరిగింది. ఈ కార్యక్రమానికి వెంకయ్య నాయుడు సహా చిరంజీవి, హరీశ్ రావు, తలసాని శ్రీనివాస యాదవ్, అజహరుద్దీన్, పుల్లెల గోపీచంద్ తదితరులు హాజరయ్యారు. అంద‌రూ ఆరోగ్యం విష‌యంలో జాగ్ర‌త్త‌లు తీసుకోవాల‌ని ఈ వేదికపై చెప్పిన చిరంజీవి.. తమ సినీ ఇండస్ట్రీలో పని చేస్తున్న వారందరి కోసం యోదా డయాగ్నస్టిక్ సెంటర్ యాజమాన్యం ముందు ఓ రిక్వెస్ట్ ఉంచారు. 'మా' మెంబర్స్ కోసం, 24 క్రాఫ్ట్స్‌లో పని చేస్తున్న వారందరి తరుపున ఓ విజ్ఞప్తి చేసిన మెగాస్టార్.. మా వాళ్లందరికీ ఏదైనా సాయం చేయగలరా? అని ఎంతో విధేయతతో అడిగారు. దీంతో వెంటనే యోదా డయాగ్నస్టిక్ సెంటర్ అధినేత ఓ హామీ ఇచ్చాడు. 'మా' మెంబర్స్ అందరికీ వైద్యంలో 50 శాతం డిస్కౌంట్ ఉంటుందని అన్నారు. అప్పుడు 24 క్రాఫ్ట్స్ వారందరికి కూడా అని చిరు అడగడం, దానికి ఆయన ఒప్పుకొని మూవీ రిలేటెడ్ 24 క్రాఫ్ట్స్ అందరికీ ఈ డిస్కౌంట్ ఉంటుందని చెప్పడం జరిగింది. అయితే ఇందుకు సంబందించిన వీడియోను సోషల్ మీడియా వేదికగా పంచుకున్న బండ్ల గణేష్.. ''మీరు సూపర్ సార్.. మీ గురించి మాటల్లో చెప్పలేకపోతోన్నా.. నోట మాట రావడం లేదు'' అని పేర్కొంటూ తన అభిమానాన్ని చాటుకున్నారు బండ్ల గణేష్. దీంతో ఈ ట్వీట్ నెట్టింట వైరల్‌గా మారింది.

from Telugu Movie News | Movie News in Telugu | Movie Gossips in Telugu https://ift.tt/3oGrPyB
v