టాలీవుడ్ టాప్ దర్శకుల్లో ఒకరిగా ఇండస్ట్రీకి బెస్ట్ హిట్స్ ఇస్తూ వస్తున్నారు డైరెక్టర్ . మనసును హత్తుకునే డైలాగ్స్ రాసి, నటీనటుల చేత అందుకు తగ్గ వేషం వేయించి కెమెరా ముందు చెప్పించడంలో సిద్దహస్తుడు త్రివిక్రమ్. టాలీవుడ్ మాటల మాంత్రికుడిగా ఫేమస్ అయిన ఈ డైరెక్టర్పై సీనియర్ నటుడు కీలక వ్యాఖ్యలు చేశారు. రీసెంట్గా ఓ మీడియాతో మాట్లాడిన ఆయన త్రివిక్రమ్ టాలెంట్పై ప్రశంసలు గుప్పించారు. దర్శకుల్లో త్రివిక్రమ్ అంటే తనకు చాలా చాలా ఇష్టమని చెప్పిన కోట.. ఆత్రేయ, జంధ్యాల కోవలో డైలాగ్స్ రాయగల సమర్థుడు త్రివిక్రమ్ అని చెప్పారు. ఏమీ అన్నట్టే ఉండదు, భాషను పలికినట్టే అనిపించదు గానీ గొప్ప భావాన్ని పలికించే మాటలు రాయడం ఆయన ప్రత్యేకత అని చెప్పారు. ఆయన బాగా చదువుకున్న గొప్ప సంస్కారవంతుడని, ఏం చెప్పినా, ఏం రాసినా దానికో పద్ధతి ఉండాలనుకునే మనిషి అని కోట పేర్కొన్నారు. ఈ మేరకు తాను '' సినిమాలో చేసినప్పటి జ్ఞాపకాలు పంచుకున్నారు. ''రామోజీ ఫిల్మ్ సిటీలో 'అత్తారింటికి దారేది' సినిమా షూటింగ్ సమయంలో ఇది త్రివిక్రమ్ సినిమా అని, పెద్ద రోల్ కాకపోయినా ప్రాధాన్యత ఉండే పాత్రని ప్రొడక్షన్ మేనేజర్ చెప్పారు. ఆ తర్వాత మేకప్ మేన్ వచ్చి ఆ క్యారెక్టర్ కోసం తలపాగా చుట్టి వేషం కడితే భలే గమ్మత్తుగా అనిపించింది. త్రివిక్రమ్ కనిపించి విష్ చేసి బాగుందని చెప్పారు. ఇక డైలాగ్ పేపర్ ఇస్తే ఒక్క ముక్క అర్థం కాలేదు కానీ షాట్ రెడీ అనగానే చేసేశా. అప్పుడు త్రివిక్రమ్ నా దగ్గరికొచ్చి ‘మీరున్నారనే ధైర్యంతోనే అలాంటి డైలాగులు రాశానండీ, మీరైతేనే చెప్పగలుగుతారని రాశాను’ అన్నారు. ఆ రోజును నేను జీవితంలో మరువలేను. ఆ సినిమా చూసి ఇప్పటికీ చాలామంది ఫోన్లు చేసి ‘సీమ యాస’ను ఎంత బాగా పట్టుకున్నారండీ అని ప్రశంసిస్తుంటారు. క్రెడిట్ మొత్తం త్రివిక్రమ్దే.. ‘అత్తారింటికి దారేది’లో నేను చేసిన రోల్ విషయంలో నిజంగా త్రివిక్రమ్కి చాలా రుణపడి ఉన్నా. ఎప్పటికీ ఆ రోల్ నాకెంతో స్పెషల్'' అని కోట శ్రీనివాస రావు చెప్పారు.
from Telugu Movie News | Movie News in Telugu | Movie Gossips in Telugu https://ift.tt/2YW3ZWP
v
No comments:
Post a Comment