బుల్లెట్స్‌కు ఎదురెళ్లిన క‌మ‌ల్ హాస‌న్‌.. ఫ్యాన్స్ అదిరిపోయే గిఫ్ట్ ఇచ్చిన యూనివర్సల్ స్టార్

యూనివర్సల్ స్టార్ బుల్లెట్స్‌కు ఎదురెళ్లాడా? అస‌లు ఆయ‌న‌పై తుపాకుల‌తో దాడి చేసిందెవ‌రు? అనే విష‌యాలు తెలుసుకోవాలంటే మాత్రం ‘విక్ర‌మ్‌’ ఫ‌స్ట్ గ్లాన్స్ చూసేయాల్సిందే. విల‌క్ష‌ణ న‌టుడు క‌మ‌ల్ హాస‌న్ క‌థానాయ‌కుడిగా ఖైది, మాస్ట‌ర్ చిత్రాల ద‌ర్శ‌కుడు లోకేశ్ క‌న‌క‌రాజ్ ద‌ర్శ‌క‌త్వంలో తెర‌కెక్కుతోన్న యాక్ష‌న్ ఎంట‌ర్‌టైన‌ర్ ‘విక్ర‌మ్‌’. విల‌క్ష‌ణ పాత్ర‌ల‌తో, సినిమాల‌తో ఐదు ద‌శాబ్దాల‌కు పైగా సినీ జ‌గ‌త్తులో త‌న‌దైన ప్ర‌స్థానాన్ని స్థాపించిన క‌మ‌ల్ హాస‌న్ గురించి ప్ర‌త్యేకంగా చెప్ప‌న‌క్క‌ర్లేదు. న‌టుడు, నిర్మాత‌, ద‌ర్శ‌కుడు, రైట‌ర్ ఇలా సినీ ఇండ‌స్ట్రీలోని అన్ని విభాగాల‌పై మంచి అవ‌గాహ‌న ఉన్న అతి కొద్ది మందిలో క‌మ‌ల్ హాస‌న్ ఒక‌రు. అయితే ఈ మ‌ధ్య కాలంలో ఆయ‌న రాజ‌కీయాల్లోకి వెళ్ల‌డం, బిగ్‌బాస్ వంటి రియాలిటీ షోస్ కార‌ణంగా సినిమాలు చేయలేదు. దాదాపు ఆయ‌న సిల్వ‌ర్ స్క్రీన్‌పై సంద‌డి చేసి మూడేళ్ల‌వుతుంది. చాలా గ్యాప్ త‌ర్వాత క‌మ‌ల్ హాస‌న్ చేస్తున్న సినిమా విక్ర‌మ్‌. ఆదివారం(న‌వంబ‌ర్ 7) క‌మ‌ల్ హాస‌న్ పుట్టిన‌రోజు. ఈ సంద‌ర్భంగా ఆయ‌న విక్ర‌మ్ సినిమా నుంచి ఫ‌స్ట్ గ్లాన్స్ విడుద‌ల చేశారు. ఇందులో క‌మ‌ల్ హాస‌న్ ఆయ‌న అనుచ‌ర గ‌ణం జైలు నుంచి త‌ప్పించుకునే ప్ర‌య‌త్నాల్లో ఉంటే వారిపై పోలీసులు, రౌడీలు కాల్పులు జ‌రుపుతారు. అయితే వారికి ఇనుప క‌వ‌చాల‌తో ఎదురెల్లి వారి భ‌ర‌తం పడుతారు క‌మ‌ల్ హాస‌న్‌. ఈ గ్లాన్స్ చూస్తే విక్ర‌మ్ ప‌క్కా మాస్ అండ్ యాక్ష‌న్ మూవీ అని అర్థ‌మ‌వుతుంది. క‌చ్చితంగా ఫ్యాన్స్‌కు ఇది పెద్ద పండుగేన‌ని చెప్పాలి. ఈ చిత్రంలో మక్కల్ సెల్వన్ విజయ్ సేతుపతి, మలయాళ స్టార్ ఫహాద్ ఫాజిల్ కీలక పాత్రల్లో నటిస్తున్నారు. న‌గ‌రం, ఖైది, మాస్ట‌ర్ వంటి సూప‌ర్ డూప‌ర్ హిట్ చిత్రాల‌తో ద‌ర్శ‌కుడు లోకేశ్ క‌న‌క‌రాజ్ డైరెక్ట‌ర్‌గా త‌నేంటో ప్రూవ్ చేసుకున్నారు. ఇప్పుడు సీనియ‌ర్ హీరో క‌మ‌ల్ హాస‌న్‌తో మూవీ చేస్తున్నారు. ప్రేక్ష‌కులు, అభిమానులు లోకేశ్ సినిమాను ఎలా హ్యండిల్ చేస్తారు. ఎలా మెప్పిస్తార‌ని ఎంతో ఆతృత‌గా, ఆస‌క్తిగా ఎదురుచూస్తున్నారు. ఇది వ‌ర‌కు విడుద‌లైన టైటిల్ టీజ‌ర్‌, ఇప్పుడు ఫస్ట్ గ్లాన్స్ సినిమాపై అంచ‌నాల‌ను మ‌రింత‌గా పెంచేశాయి. రాజ్ కమల్ ఫిలింస్ ఇంట‌ర్నేష‌న‌ల్ ఫిలింస్ బ్యాన‌ర్‌పై ఆర్‌.మ‌హేంద్ర‌న్‌తో క‌లిసి క‌మ‌ల్‌హాస‌న్ ఈ చిత్రాన్ని నిర్మిస్తున్నారు. అనిరుధ్ ర‌విచంద్ర‌న్ సంగీతాన్ని అందిస్తున్నారు. క‌మ‌ల్ హాస‌న్ న‌టిస్తోన్న 232వ చిత్ర‌మిది. సినిమాలో క‌మ‌ల్ హాస‌న్ డిఫ‌రెంట్ పాత్ర‌లో క‌నిపించ‌నున్నారు. మెలితిప్పిన మీసాలు, గ‌డ్డంతో కనిపిస్తున్నారు. త‌న సెంటిమెంట్‌ను ఫాలో అవుతూ డైరెక్ట‌ర్ లోకేశ్ క‌న‌క‌రాజ్ జైలులో స‌న్నివేశాల‌ను చిత్రీక‌రించిన‌ట్లు తెలుస్తోంది.

from Telugu Movie News | Movie News in Telugu | Movie Gossips in Telugu https://ift.tt/3ETRz0S
v