మనం మాట్లాడకూడదు.. మనం చేసే పని మాట్లాడాలి అని నమ్మే వ్యక్తుల్లో సమంత ఒకరు. అందుకు రీసెంట్గా ఆమె వ్యక్తిగత జీవితంలో జరిగిన పెనుమార్పులు. అక్కినేని నాగచైతన్యతో నాలుగేళ్ల వివాహ బంధానికి ఆమె ముగింపు పలికిన సంగతి తెలిసిందే. ఈ నేపథ్యంలో ఆమెపై పలు విమర్శలు కూడా వచ్చాయి. అయితే సోషల్ మీడియా పెరిగిన నేపథ్యంలో మీడియాలోని కొందరు వ్యక్తులు అత్యుత్సాహం చూపించారు. అసలు నాగచైతన్యతో సమంత ఎందుకు విడిపోయింది. ఆమె విడిపోవడం వల్ల అక్కినేని కుటుంబం నుంచి ఎంత భరణం వస్తుంది? అనే విషయాలపైనే కాకుండా, ఆమె వ్యక్తిగత ప్రవర్తనపై కూడా కొందరు అవాకులు చెవాకులు పేలారు. అయితే ఓర్పుకు కూడా ఓ హద్దు ఉంటుంది. ఆ హద్దు దాటితే ఏమవుతుందో ఇప్పుడు సమంత తన చేతలతో నిరూపించింది. తన విడాకుల విషయాన్ని ప్రకటించిన తర్వాత పని గట్టుకుని విమర్శిస్తున్నట్లు కొందరు చేసిన పనికి హర్ట్ అయిన సమంత వారిపై పరువు నష్టం దావా వేశారు. అసలు సమంత ఎవరిపై, ఎందుకు పరువు నష్టం దావా వేశారు? అనే వివరాల్లోకెళ్తే.. సమంత తన చేతలతో షాకిచ్చింది మీడియాకే. యూట్యూబ్ ఛానెల్స్ అయిన సుమన్ టీవీ, తెలుగు పాపులర్ ఛానెల్తో పాటు డా.సీఎల్ వెంకట్రావుపై సమంత కూకట్ పల్లి కోర్టులో పిటిషన్ దాఖలు చేసింది. తన వ్యక్తిగత విషయాల్లో నిజానిజాలు తెలియకుండా అసత్య ప్రచారం చేశారని సమంత తన పిటిషన్లో పేర్కొన్నారు. అలాగే తనపై వస్తున్న దుష్ప్రచారాన్ని ఆపాలని కూడా ఆమె పిటిషన్లో పేర్కొన్నారు. నాగచైతన్యతతో విడాకులు గురించి ప్రకటించిన తర్వాత సమంతపై చాలా ట్రోల్స్ వచ్చాయి. అలాగే డా.సి.ఎల్.వెంకట్రావు మాట్లాడిన వీడియో తెగ వైరల్ అయ్యింది. అందుకు కారణం, ఆమె ది ఫ్యామిలీ మ్యాన్ వెబ్ సిరీస్ సీజన్లో కొన్ని అభ్యంతరకర సన్నివేశాల్లో నటించినట్లు, తల్లి కావడం ఇష్టం లేకుండా అబార్షన్ చేయించుకున్నట్లు ఆయన వ్యాఖ్యలు చేశారు. ఈ కామెంట్స్ను ఆధారంగా చేసుకుని కొన్ని యూట్యూబ్ ఛానెల్స్ రెచ్చిపోయాయి. దీంతో సమంత కోర్టు మెట్లెక్కింది. అక్కినేని నాగచైతన్య, సమంత ప్రేమించి పెళ్లి చేసుకున్నారు. అయితే కారణాలు వారిద్దరూ చెప్పలేదు. కానీ..విడిపోతున్నామని ప్రకటించారు. ఈ నేపథ్యంలో సోషల్ మీడియాలో వారి విడాకుల వ్యవహారంపై పలు కథనాలు వెలువడ్డాయి. ఈ క్రమంలో అసలు సమంత సినిమాలు చేస్తుందా? అనే ప్రశ్న కూడా కొందరు వేశారు. కొందరైతే ఆమెకు అవకాశాలు వస్తాయా? అని కూడా అనుకున్న సందర్భాలున్నాయి. అయితే వీటన్నింటికీ సమంత తన టాలెంట్తో సమాధానం చెప్పింది. ఏకధాటిగా రెండు ద్విభాషా చిత్రాలను ఆమె చేస్తున్నట్లు ప్రకటించారు. అంతే కాకుండా ఆమె ఓ వెబ్ సిరీస్లో చేయడానికి చర్చలు జరుపుతున్నట్లు.. అలాగే బాలీవుడ్లోనూ ఎంట్రీ ఇవ్వబోతున్నట్లు కూడా వార్తలు వినిపిస్తున్నాయి.
from Telugu Movie News | Movie News in Telugu | Movie Gossips in Telugu https://ift.tt/3vvX7eL
v
No comments:
Post a Comment