డ్రగ్స్ కేసులో చిక్కిన విజయ్ దేవకొండ హీరోయిన్.. ఫోన్, ల్యాప్ టాప్ సీజ్ చేసిన పోలీసులు

అసలు మన స్టార్స్ హీరో హీరోయిన్స్‌కు ఏమైంది. ఎందుకు వారంతా డ్ర‌గ్స్ కేసులో ఉన్నారు. అస‌లు నిజంగానే స్టార్స్ ఏదో ర‌క‌మైన మ‌త్తులో మునుగుతున్నారా? లేక‌పోతే జ‌రుగుతున్న ప‌రిణామాల్లో వారి పేర్లు అధికారుల‌కు ఎందుకు చిక్కాయి? ఇలా స‌వాల‌క్ష అనుమానాలు స‌గ‌లు సినీ ప్రేక్ష‌కుడికి రావ‌డం ఖాయం. ఎందుకంటే చుట్టూ జ‌రుగుతున్న ప‌రిస్థితుల‌ను చూస్తే అలా అన‌క త‌ప్ప‌డం లేదు. షారూక్ ఖాన్ త‌న‌యుడు ఆర్య‌న్ ఖాన్‌ను రీసెంట్‌గా పోలీసులు డ్ర‌గ్స్ కేసులో అరెస్ట్ చేసిన సంగతి తెలిసిందే. త‌న‌కు బెయిల్ కూడా ఇవ్వలేదు. పోలీసులు అక్క‌డితో ఆగుతారా? అస‌లు ఆర్య‌న్ ఖాన్ వెనుక ఎవ‌రున్నారు.. త‌న‌తో పాటు ఇంకెవ‌రెవ‌రు డ్ర‌గ్స్ తీసుకుంటున్నారు? అనే కోణంలో పోలీసులు ద‌ర్యాప్తు చేస్తున్నారు. ఈ క్ర‌మంలో బాలీవుడ్‌కి చెందిన ఓ అప్‌క‌మింగ్ హీరోయిన్ పేరు ఎన్‌సీబీ అధికారుల‌కు చిక్కింది. కేవ‌లం అధికారులు ఊరుకుంటారా? ఆమెను వెంట‌నే త‌మ ఆఫీసుకు ర‌మ్మ‌ని క‌బురు పెట్టారు. ఇక త‌ప్పుతుందా.. అమ్మ‌డు కూడా సైలెంట్‌గా ఎన్‌సీబీ ఆఫీసుకు చేరుకుంది. ఇంత‌కీ ఆ హీరోయిన్ ఎవ‌రో తెలుసా.. బాలీవుడ్ హీరోయిన్ అన‌న్య పాండే. న‌టుడు చుంకీ పాండే కుమార్తెగా సినీ రంగ ప్ర‌వేశం చేసిన అన‌న్య పాండే..బాలీవుడ్ ద‌ర్శ‌క నిర్మాత క‌ర‌ణ్ జోహార్ ఆశీస్సుల‌తో ఇప్పుడిప్పుడే క్రేజీ ఆఫ‌ర్స్‌ను అందుకుంటుంది. అందుకు బెస్ట్ ఎగ్జాంపుల్ అన‌న్య పాండే పాన్ ఇండియా సినిమాలో న‌టిస్తుంది. ఇంత‌కీ అన‌న్య పాండే న‌టిస్తోన్న సినిమా ఏదో కాదు.. విజ‌య్ దేవ‌ర‌కొండ‌, పూరీ జ‌గ‌న్నాథ్ కాంబినేష‌న్లో రూపొందుతున్న ‘లైగ‌ర్‌’. ఇదెంత క్రేజీ ప్రాజెక్టో ప్ర‌త్యేకంగా చెప్ప‌న‌క్క‌ర్లేదు. ఈ సినిమాలో ఏకంగా బాలీవుడ్ బాక్సింగ్ లెజెండ్ మైక్ టైస‌న్ కూడా న‌టిస్తున్నాడు. అంత క్రేజీ ప్రాజెక్ట్‌లో న‌టిస్తున్న అన‌న్య పాండేకు ఇప్పుడు ఎన్‌సీబీ ఆఫీస‌ర్స్ నుంచి పిలుపు రావ‌డంతో అంద‌రూ కాస్తంత ఆశ్చ‌ర్య‌పోయారు. అయితే అన‌న్య పాండేను ఎన్‌సీబీ అధికారులు ఎందుకు పిలిచారు..అనే వివ‌రాల్లోకి వెళితే, షారూక్‌ఖాన్ త‌న‌యుడు ఆర్య‌న్ ఖాన్ త‌న‌కు క్రూయిజ్ రేవ్ పార్టీ సంద‌ర్భంగా డ్ర‌గ్స్ కావాలంటూ అనన్య‌తో ఛాటింగ్ చేశాడు. ఆ ఛాటింగ్ విచార‌ణ‌లో బ‌య‌ట‌కు వ‌చ్చింది. ఈ ఛాటింగ్‌లో ఆర్య‌న్ ఖాన్ సోద‌రి సుహానా ఖాన్ కూడా ఉండ‌టం కొస‌మెరుపు. అందుకనే అధికారులు అనన్య‌కువిచార‌ణ‌కు పిలిచారు. ఆమె త‌న తండ్రి చుంకీ పాండేతో క‌లిసి ఎన్‌సీబీ ఆఫీసుకు చేరుకుంది. ఈరోజు ఉద‌యం అధికార‌లు అన‌న్య పాండే ఇంటిని సోదా చేసి ఆమె మొబైల్‌, ల్యాప్‌ట్యాప్‌ను సీజ్ చేయ‌డం గ‌మ‌నార్హం. మ‌రి ఈమె విచార‌ణ‌లో పోలీసుల‌కు ఎలాంటి నిజాలు తెలుస్తాయ‌నేది బాలీవుడ్ వ‌ర్గాల్లో చ‌ర్చ‌నీయాంశంగా మారింది. మరోవైపు ఈ సినిమా దర్శక నిర్మాత పూరీ జగన్నాథ్, నిర్మాతలు చార్మి, కరణ్ జోహార్‌లకు తెలియని టెన్షన్ అయితే మనసులో రన్ అవుతుంటుందనడంలో సందేహం లేదు.

from Telugu Movie News | Movie News in Telugu | Movie Gossips in Telugu https://ift.tt/3C7vQBN
v