అలిసిపోయిన పవన్ కళ్యాణ్.. నులక మంచంపై సేద తీరుతున్న పవర్ స్టార్

పవన్ కళ్యాణ్ కాంబోలో రాబోతోన్న సినిమా గురించి అందరికీ తెలిసిందే. మళయాల సూపర్ హిట్ సినిమా అయ్యప్పనుమ్ కోషియుమ్ సినిమాకు రీమేక్‌గా రాబోతోన్న ఈ భీమ్లా నాయక్‌లో ఎన్నో మార్పులు చేర్పులు చేశారు. తెలుగు నేటివిటీకి తగ్గట్టుగా, ఇమేజికి అనుగుణంగా స్క్రిప్ట్‌ను మార్చేశారు. అందులో భాగంగానే టైటిల్ పేరును భీమ్లా నాయక్ అంటూ ఫిక్స్ చేసేశారు. అప్పుడు సినిమా ఎలా ఉంటుందని, రానా పాత్ర ఎంత తగ్గించేసి ఉంటారో అందరూ ఓ అంచనాకు వచ్చేశారు. అయితే డానియల్ శేఖర్ అంటూ రానా పాత్రను పరిచయం చేస్తూ వదిలిన చిన్నపాటి వీడియో అందరినీ ఆశ్చర్యపరిచింది. ఒళ్లంతా ఈగో ఉన్న వాడిలా, పవన్ కళ్యాణ్ ఢీ కొట్టే సరైన వ్యక్తిలా రానా కనిపించాడు. ఇక ఈ ఇద్దరూ పోటీపడే చేసే క్లైమాక్స్ సీన్, ఫైటింగ్ సీన్ ఎలా ఉంటుందో ఊహించుకుంటే అభిమానులకు పూనకాలు రావాల్సిందే. ఒరిజినల్ సినిమాలో అయితే క్లైమాక్స్ ఫైట్ హోరాహోరీగా ఉంటుంది. అక్కడ ఇమేజ్‌ను దృష్టిలో పెట్టుకోలేదు. అందుకే పోటాపోటీగా యాక్షన్ సీక్వెన్స్‌ను పెట్టారు. కానీ తెలుగులోకి వచ్చే సరికి పవన్ కళ్యాణ్ ఇమేజ్ అడ్డుపడుతుంది. మరి ఆ క్లైమాక్స్ షూటింగ్, యాక్షన్ సీక్వెన్స్ ఎలా బ్యాలెన్స్ చేస్తారో చూడాలి. తాజాగా చిత్రయూనిట్ వదిలిన పోస్టర్ చూస్తుంటే.. ఇద్దరూ హోరాహోరీగా పోరాడి అలిసిపోయినట్టు కనిపిస్తోంది. ఇద్దరు షర్ట్‌ల మీద రక్తపు మరకలున్నాయి. అంటే ఇద్దరికీ సరైన స్థాయిలోనే ఫైటింగ్ సీన్స్ పెట్టినట్టు కనిపిస్తోంది. సినిమా చివర్లో మార్కెట్ పరిసరాల్లో ఉండే యాక్షన్ సీక్వెన్స్ అదిరిపోతుంది. ఇక నేడు ఈ సీన్స్ తెరకెక్కించినట్టు కనిపిస్తోంది. షాట్ అనంతరం అలా రిలాక్స్ అయినట్టు కనిపిస్తోంది. పవన్ కళ్యాణ్ నులక మంచం మీద, రానా ఎడ్లబండి మీద పడుకుని రిలాక్స్ అవుతున్నారు.

from Telugu Movie News | Movie News in Telugu | Movie Gossips in Telugu https://ift.tt/3vv9UOu
v