నాని గురించి మీకేం తెల్సు.. ప్రతి ఒక్కడూ మాట్లాడుతున్నాడు: శివ నిర్వాణ భావోద్వేగం

వివాదాలకు దూరంగా ఉండే హీరో నానిని వివాదాస్పద వ్యక్తిగా మార్చేసింది ‘టక్ జగదీష్’ చిత్రం. ఈ సినిమాను థియేటర్స్‌లో కాకుండా ఓటీటీలో రిలీజ్ చేయడం వివాదం అయ్యింది. ఒకానొక సందర్భంలో నాని సినిమాలు లైఫ్ టైమ్ బ్యాన్ అంటూ ఎగ్జిబిటర్స్ వార్నింగ్ ఇచ్చేంత రేంజ్‌కి వెళ్లారు. నాని సినిమాల్లో మాత్రమే హీరో అని.. రియల్‌ లైఫ్‌లో జీరో.. పిరికివాడు అంటూ ఎగ్జిబిటర్స్‌ ఫైర్ అయ్యారు. తిమ్మరుసు ప్రీ రిలీజ్ ఈవెంట్‌లో థియేటర్స్ గురించి ఓ రేంజ్‌లో క్లాస్ పీకి.. సినిమాలను థియేటర్స్‌లో రిలీజ్ చేయాలని కోరిన నాని.. చివరికి తన సినిమానే ఓటీటీలో విడుదల చేయడంతో విమర్శల పాలయ్యాడు. అయితే ఆర్ధికపరమైన ఇబ్బందులు.. నిర్మాత నిర్ణయం మేరకు నాని ఈ నిర్ణయం తీసుకున్నా చాలామంది నానిని తప్పుపడుతూ విమర్శలు గుప్పించారు. పైగా సెప్టెంబర్ 10.. నాగ చైతన్య ‘లవ్ స్టోరీ’ థియేటర్స్‌లో విడుదల కానుండగా.. అదే రోజున ఈ సినిమా విడుదల చేస్తుండటంతో నానిని టార్గెట్ చేశారు. కాగా ఈ సినిమా రిలీజ్‌లో భాగంగా నిర్వహించిన ఈవెంట్‌లో ఆవేశంగా మాట్లాడారు దర్శకుడు శివ నిర్వాణ. అసలు నాని గురించి మీకు ఏం తెలుసు అంటూ ఎమోషనల్ అయ్యారు. ఆయన మాట్లాడుతూ.. ‘టక్ జగదీష్’ సినిమా షూటింగ్ మొత్తం రెండేళ్లు కంప్లీట్ అయిన తరువాత.. మొట్టమొదటిగా మేం అనుకున్న రిలీజ్ డేట్ ఏప్రిల్ 16.. ఆ తరువాత ఏప్రిల్ 23 అనుకున్నా.. అది మేకి వెళ్లింది.. జూన్.. జూలై.. ఆగష్టు ఇలా డేట్‌లు మారుతూ వచ్చాయి. ఈ ఓవరాల్ ప్రాసెస్‌లో నాని గారు నేను ఆయన ఇంట్లో కూర్చుని ఎన్నోసార్లు సినిమా గురించి మాట్లాడుకున్నాం. ఇంటర్వెల్ బ్యాంగ్‌కి థియేటర్స్‌లో విజిల్స్ పడతాయి.. ప్రీ క్లైమాక్స్‌కి క్లాప్స్ కొడతారు.. అక్కడ అలా ఉంటుంది.. ఇక్కడ ఇలా ఉంటుంది.. అని మేం ఎన్నోసార్లు అనుకుని.. ఇరగ్గొట్టేశాం అని హగ్ చేసుకున్న సందర్భాలు చాలా ఉన్నాయి. ఇవన్నీ థియేటర్స్ ఎక్స్ పీరియన్స్‌ని ఊహించుకునే అనుకున్నాం.. ఆ టైంలో థియేటర్స్‌లో అలా ఉంటుంది.. ఈ టైంలో ఇలా ఉంటుంది అని అనుకున్నాం. సినిమా కోసం ఇంత ఊహించుకున్న తరువాత.. థియేటర్స్‌లో సినిమా లేదు అని తెలిసిన తరువాత ఆ ఫీలింగ్ ఎలా ఉంటుందన్నది నాకు నాని గారికి మాత్రమే తెలుసు. నేను నాని గారి కోసమే ఎమోషనల్ అవ్వాల్సి వచ్చింది. ఆయన కోసం ప్రతి ఒక్కడూ మాట్లాడుతున్నాడు.. మీకో విషయం చెప్తా.. ఐమాక్స్‌లో 8.45 షో నాని సినిమా రిలీజ్ అయితే ఆయన రెండున్నర గంటలు కూడా డోర్ దగ్గరే నిలబడి చూస్తారు.. ఈ విషయం ఎంతమందికి తెలుసు? ఆయన ప్రతి సినిమాని అలాగే చూస్తారు. నేను నిన్ను కోరి సినిమా ముందు వరుసలో కూర్చుని చూస్తుంటే.. ఆయన వెనుక డోర్ దగ్గర నిలబడి చూశారు.. ఎందుకండీ అంటే.. థియేటర్స్‌లో ఒక్కో ఎమోషన్‌కి ఆడియన్స్ రియాక్షన్ ఒక్కోలా ఉంటుంది.. అది కూర్చుంటే చూడలేం.. ఇలా డోర్ దగ్గర నిలబడి చూడటం నాకు ఇష్టం అని అన్నారు. అలాంటి మనిషిని పట్టుకుని ఇష్టం వచ్చినట్టు మాట్లాడుతున్నారు. నేను పర్సనల్‌గా మాట్లాడటం లేదు.. మీడియా ఏం రాసిందని చెప్పడం లేదు.. ఎందుకంటే నాలుగు గోడల మధ్య ఉండే ఎమోషన్ అందరికీ తెలియాలనే రూల్ లేదు’ అంటూ ఎమోషనల్ అయ్యారు దర్శకుడు శివ నిర్వాణ.

from Telugu Movie News | Movie News in Telugu | Movie Gossips in Telugu https://ift.tt/3DG6Hj0
v