(మా) ఎన్నికల వేడి కొనసాగుతోంది. నేటి (సెప్టెంబర్ 27) నుంచి మా ఎలక్షన్ నామినేషన్స్ పర్వం మొదలు కావడంతో ఈ ఎన్నికల్లో స్వతంత్ర అభ్యర్థిగా జనరల్ సెక్రటరీ పదవికి పోటీ చేస్తున్న కొద్ది సేపటి క్రితం తన నామినేషన్ దాఖలు చేశారు. ఈ సందర్భంగా విలేకరులతో మాట్లాడిన ఆయన.. పలు విషయాలపై సంచలన కామెంట్స్ చేశారు. ముందు నుంచి కూడా 100 మంది పేద కళాకారులకు డబుల్ బెడ్రూమ్ ఇళ్లు ఇవ్వడమే తన ధ్యేయమని చెబుతున్న బండ్ల గణేష్.. మరోసారి అదే వాయిస్ గట్టిగా వినిపించారు. 'మా' బిల్డింగ్ కడతాం.. ఇంకేదో చేస్తాం అని వాళ్లంతా ఇస్తున్న హామీలు నిజం కాదు.. అవన్నీ జరిగే పనులు కావు. పేద కళాకారులకు ఇల్లు ఇద్దాం. అదే టార్గెట్గా పెట్టుకుందాం అని చెప్పారు బండ్ల గణేష్. ‘మా’ ఎన్నికల్లో జనరల్ సెక్రటరీగా తన గెలుపు తథ్యమని, తన వెనుక చాలామంది ఉన్నారని, ఎంతోమంది ఆశీర్వాదంతో ముందుకెళ్తున్నానని ఈ సందర్భంగా ఆయన తెలిపారు. ''నేను అబద్ధాలు మాట్లాడను. ‘మా’ అసోసియేషన్కు భవనం కావాలి. అయితే, ప్రస్తుతం జూబ్లీహిల్స్ లాంటి ప్రాంతంలో ప్యాలెస్ కడతామంటే కుదరదు. ప్రభుత్వం స్థలం కేటాయిస్తుందో లేదో తెలియదు. నా అభిప్రాయం ఏంటంటే.. కాస్త దూరమైనా కోకాపేట ప్రాంతంలో స్థలం తీసుకుని, 100 మంది పేద కళాకారులకు డబుల్ బెడ్రూమ్ ఇళ్లు కట్టించాలి. అయ్యే పనుల గురించి మాట్లాడితే అందరికీ మంచిది. ఫండ్స్ కోసం ఎక్కడికో విదేశాలకు వెళ్తారట. అంత అవసరమా? తెలుగు చిత్ర పరిశ్రమలో వినోదాన్ని పంచే కళాకారులు ఎంతోమంది ఉన్నారు. మన హీరోలు బంగారు గనులు. కోహినూర్ వజ్రాలు. ఆ వజ్రాలు ప్రకాశిస్తే, ఎన్నో భవనాలు కట్టేయొచ్చు. నాకు పరమేశ్వరుడి మద్దతు ఉంది. అధ్యక్షుడిగా ప్రకాశ్రాజ్, విష్ణు ఎవరు గెలిచినా వారు నాకు ప్రెసిడెంటే. నేను చిన్న పిల్లాడిలా మాట్టాడుతున్నా అని జీవిత గారు అన్నారని అంటున్నారు. అది తప్పు.. ఆ మాట ఆమె అనలేదు. దయచేసి మా సభ్యుల మధ్య గొడవలు పెట్టొద్దు. అలాగే ఏపీ రాజకీయాల గురించి ఇప్పుడు మాట్లాడను. 11వ తేదీ ప్రెస్మీట్ పెట్టి మరీ మాట్లాడతా. ఈలోగా కొంపలు మునిగిపోయేది ఏమీ లేదు'' అని అన్నారు బండ్ల గణేష్.
from Telugu Movie News | Movie News in Telugu | Movie Gossips in Telugu https://ift.tt/3m19YBk
v
No comments:
Post a Comment