సాయి ధరమ్ తేజ్ ఆరోగ్యం పై అనుమానాలు!.. పవన్ కళ్యాణ్ మాటలతో గందరగోళం

రిపబ్లిక్ ప్రీ రిలీజ్ ఈవెంట్ ఇప్పుడు ఫుల్ ట్రెండింగ్‌లో ఉంది. చేసిన ప్రసంగం, మాట్లాడిన మాటలు అటు రాజకీయాల్లో, ఇటు ఇండస్ట్రీలో పెను ప్రకంపనలు సృష్టిస్తోంది. అయితే పవన్ కళ్యాణ్ ఎన్నో టాపిక్‌ల మీద మాట్లాడేశాడు. అందులో సాయి ధరమ్ తేజ్ బైక్ ప్రమాదం, మీడియా కవర్ చేసిన విధానంపైనా సైటర్లు వేశాడు. మీడియా చేసిన అతిపై పవన్ కళ్యాణ్ కౌంటర్లు వేశాడు. సమాజంలో జరిగే అన్యాయాలు, అక్రమాలు, దౌర్జన్యాలు చూపించండి.. అంతే కానీ తేజ్ ఎలా పడ్డాడు? ఎంత వేగంతో పడ్డాడు? ఎలా వెళ్లాడు అనే వాటిని కాదంటూ పవన్ కళ్యాణ్ చిందులు తొక్కాడు. అయితే ఈ ఫ్లోలోనే సాయి ధరమ్ తేజ్ ఆరోగ్యం గురించి పవన్ కళ్యాణ్ నోరు జారారు. ఇంకా కోమలోనే ఉన్నాడు.. ఇంత వరకు చూడలేదు.. మొదటి రోజు చూశాను.. ఇంకా నేను వెళ్లి చూడలేదు అంటూ పవన్ కళ్యాణ్ అసలు విషయం చెప్పాడు. దీంతో అభిమానులు కాస్త గందరగోళానికి గురయ్యారు. సాయి ధరమ్ తేజ్ కోలుకుంటున్నాడు.. బాగానే ఉన్నాడంటూ ఇది వరకే హెల్త్ బుల్లిటెన్‌లు వచ్చాయి. కానీ పవన్ కళ్యాణ్ మాత్రం అలా అన్నాడు. ఇంకా కోమలోనే ఉన్నాడని బాంబ్ పేల్చడంతో అసలు అనుమానాలు మొదలయ్యాయి. ఇంకా తేజ్ కోలుకోలేదని, దానికి చాలానే సమయం పట్టేట్టుందనిపిస్తోంది. మొత్తానికి సాయి ధరమ్ తేజ్ త్వరగా కోలుకోవాలని అభిమానులందరూ కోరుకుంటున్నారు. సాయి ధరమ్ తేజ్ బర్త్ డే అక్టోబర్ 15న ఉంది. అప్పటి వరకు లేచి నిల్చోవాలని ఫ్యాన్స్ ప్రార్థనలు చేస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/2Y1T6Cj
v