మెగాస్టార్ లూసిఫర్ రీమేక్ సినిమా ఇప్పుడు మంచి ఫాంలోకి వచ్చింది. అసలైతే ఈ పాటికి సినిమా షూటింగ్ మొదలు కావాల్సింది. కానీ సెకండ్ వేవ్ దెబ్బకు అన్నీ తారుమారయ్యాయి. ఆచార్య షూటింగ్ ఇంకా జరుగుతూ ఉండటంతో లూసిఫర్ వెనక్కి వెళ్తూ వస్తోంది. అలా మొత్తానికి త్వరలోనే లూసిఫర్ సెట్స్ మీదకు వెళ్లబోతోన్నట్టు తెలుస్తోంది. ఇక ఈ రీమేక్కు క్యాస్ట్ అండ్ క్రూ గురించి ఎప్పుడూ ఏదో ఒక రూమర్ వినిపిస్తూనే ఉంటుంది. అసలే ఈ మూవీలో కొన్ని ముఖ్యమైన పాత్రలుంటాయి. మంజు వారియర్, వివేక్ ఒబేరాయ్, ప్రథ్వీరాజ్ సుకుమార్ నటించిన ఇంపార్టెన్స్ రోల్స్లో అదిరిపోయే నటీనటులు కావాల్సి ఉంటుంది. దీని కోసం ఇప్పటికే చిత్రయూనిట్ రకరకాల ప్రయత్నాలు చేస్తోంది. బాలీవుడ్ నుంచి విలన్ను దింపుతున్నారనే టాక్ వచ్చింది. ఇక డెవిల్ పాత్రకు కూడా టాలీవుడ్లోని యంగ్ హీరోను తీసుకోవాలనే ఆలోచనలో ఉన్నట్టు తెలుస్తోంది. అయితే ఈ రీమేక్లో సత్యదేవ్కు చాన్స్ వచ్చిందని ఎప్పటి నుంచో రూమర్లు వస్తూనే ఉన్నాయి. పాజిటివ్ కారెక్టర్ అయిన డెవిల్ కోసం సత్యదేవ్ను తీసుకుని ఉంటారని అంతా అనుకున్నారు. కానీ అసలు విషయం ఇప్పుడు బయటకు వచ్చింది. తాజాగా వినిపిస్తున్న సమాచారం మేరకు సత్యదేవ్ను విలన్ రోల్కు తీసుకున్నట్టు తెలుస్తోంది. వివేక్ ఒబేరాయ్ చేసిన పాత్రను తెలుగులో చేయబోతోన్నట్టు టాక్. ఇది గనుక నిజమైతే చిరంజీవి ఢీ కొట్టే పాత్రలో సత్యదేవ్ నటించడం మామూలు విషయం కాదు. కానీ ఇది అసలు నిజమవుతుందా? లేదా? అన్నది తెలియాలంటే ఇంకొన్ని రోజులు ఆగాల్సిందే. లూసిఫర్ రీమేక్ కోసం ఇప్పటికే నయనతారను తీసుకున్నట్టు తెలుస్తోంది.
from Telugu Movie News | Movie News in Telugu | Movie Gossips in Telugu https://ift.tt/3Cmy7cS
v
No comments:
Post a Comment