చిన్నప్పటి నుంచి అన్నీ ఆయనే.. తండ్రి ప్రేమను గుర్తించరు.. ఇంద్రజ ఎమోషనల్

ఒకప్పటి హీరోయిన్ ఇప్పుడు బుల్లితెరపై దుమ్ములేపుతున్నారు. ఆ మధ్య కొన్ని రోజులు జబర్దస్త్‌కు రోజా గ్యాప్ ఇవ్వడంతో ఇంద్రజ వచ్చారు. కొన్ని వారాలకే ఇంద్రజ మంచి పేరు సంపాదించుకున్నారు. వచ్చిన కొత్తలో కాస్త తడబడినా కూడా రెండు మూడు ఎపిసోడ్లకే ఇంద్రజ ఫాంలోకి వచ్చారు. సెటైర్లు వేయడమే కాకుండా.. తన నవ్వుతో అందరినీ పడగొట్టేశారు. అలా ఇంద్రజ ఇప్పుడు బుల్లితెరపై మోస్ట్ డిమాండ్ ఉన్న నటిగా మారిపోయారు. ఇంద్రజను వెనక్కి తీసుకు రావాలని, మళ్లీ జబర్దస్త్ జడ్జ్‌గా చేయాలని నెటిజన్లు కామెంట్లు పెట్టే రేంజ్‌కు వెళ్లిపోయారు. అలా ఇంద్రజ ఇప్పుడు శ్రీదేవీ డ్రామా కంపెనీలో ఫిక్స్ అయ్యారు. బుల్లితెరపై ఇతర షోల్లోనూ ఇంద్రజ రచ్చ చేస్తున్నారు. సుమ క్యాష్ షోలోనూ కనిపించారు. ఇక ఇప్పుడు స్టార్ మాలోని సిక్స్త్ సెన్స్ షోలనూ వచ్చారు. ఈ వారం వచ్చే ఈ ఎపిసోడ్‌లో సుధీర్, ఇంద్రజలు కలిసి పాల్గొనబోతోన్నారు. ఈషోలో ఇంద్రజ తన ఫ్యామిలీ గురించి చెబుతూ ఎమోషనల్ అయ్యారు. తనకు తండ్రి అంటే ఇష్టమని, చిన్నప్పటి నుంచి అన్నీ ఆయనే అని ఇంద్రజ చెబుతూ ఎమోషనల్ అయ్యారు. మాకు ఊహ తెలిసినప్పటి నుంచి నాన్నే వంట చేసేవారు. అమ్మను బాగా చూసుకునే వారు. మాకు అన్నీ చేసి పెట్టేవారు. అలా మాకు అమ్మైనా నాన్నైనా అన్నీ ఆయనే అయ్యారు. తండ్రి ప్రేమను ఎవ్వరూ అంతగా గుర్తించరు. కానీ తండ్రి అనే వారు లేకుంటే కుటుంబం అనేది ఉండదు అని ఇంద్రజ చెబుతూ ఎమోషనల్ అయ్యారు. ఇంద్రజ వ్యక్తిగత విషయాలను ఇలా పంచుకోవడంతో నెటిజన్లు సైతం ఎమోషనల్ అవుతున్నారు.

from Telugu Movie News | Movie News in Telugu | Movie Gossips in Telugu https://ift.tt/3fFlrnJ
v