సంగీత దర్శకుడు ఏ.ఆర్.రెహమాన్ గురించి కొత్తగా పరిచయాలు అక్కర్లేదు. భారతీయ సంగీతాన్ని యూనివర్సల్ చేసిన సంగీ ద్రష్ట. సాంప్రదాయ సంగీతం నుంచి పాశ్యాత్య సంగీతం వరకు అన్ని రకాల సంగీతాలను తన సంగీత దర్శకత్వంలో పలికించడంలో కాదు.. ప్రేక్షకుల చేత శభాష్ అనిపించుకోవడం అది రెహమాన్కే మాత్రమే చెల్లింది. ఇంతలా భారతీయ సంగీతాన్ని దక్షిణాది, ఉత్తరాది అంటూ దేశ వ్యాప్తంగా అందరినీ అలరించిన సంగీత దర్శకుల్లో అగ్రగణ్యుడు ఏ.ఆర్.రెహమాన్. ‘రోజా’తో మొదలైన ఏ.ఆర్.రెహమాన్ సంగీత ప్రస్థానం ఇప్పటికీ అప్రతిహతంగా కొనసాగుతూనే ఉంది. అంతేకాదు.. భారత సినిమా చరిత్రలో ఆస్కార్ అవార్డు అందుకున్న సంగీత దర్శకుడిగా కూడా ఘనత దక్కించుకున్నారు రెహమాన్. అయితే ఈ మధ్యకాలంలో సోషల్మీడియాలో రెహమాన్ చాలా యాక్టివ్గా ఉంటున్నారు. తనకు సంబంధించిన విషయాలను ఆయన ఎప్పటికప్పుడు ఈ మాధ్యమం ద్వారా ఫ్యాన్స్కి చేరవేస్తున్నారు. తాజాగా రెహమాన్కు ఇన్స్టాగ్రామ్లో ఊహించని ప్రశ్న ఒకటి ఎదురైంది. ఆయన పెట్టిన ఓ లేటెస్ట్ పోస్ట్పై ఓ వ్యక్తి ‘సార్ మీరు నటుడిగా ఎప్పుడు అడుగుపెడతారు’ అంటూ ప్రశ్నించారు. దీనికి రెహమాన్ ఊహించని జవాబు ఇచ్చారు. ‘ఎందుకు నేను ఇలా ప్రశాంతంగా ఉండటం నీకు ఇష్టం లేదా’ అంటూ ఆయన పేర్కొన్నారు. ఇక ప్రస్తుతం రెహమాన్ పలు భారీ ప్రాజెక్టులలో పని చేస్తున్నారు. తమిళంలో ‘వెందు తనిదతు కాడు’, ‘పోన్నియన్ సెల్వన్’, ‘కోబ్రా’, ‘ఐలాన్’ వంటి చిత్రాలకు ఆయన సంగీతం అందిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3jUUw8L
v
No comments:
Post a Comment