నా సోదరుడి మృతి కారణం అమీర్‌ఖాన్.. అనుపమ్ శ్యామ్ సోదరుడి కీలక వ్యాఖ్యలు

సినీ పరిశ్రమకు ప్రస్తుతం గడ్డుకాలం నడుస్తోంది. సినీ ఇండస్ట్రీ నుంచి వరుస విషాద వార్తలు వింటున్నాం. రీసెంట్‌గా చోటుచేసుకున్న తారల మరణాలు మరవకముందే తాజాగా సీనియర్ నటుడు మరణ వార్త వినాల్సి వచ్చింది. గత కొన్ని రోజులుగా కిడ్నీ సంబంధిత సమస్యలతో బాధపడుతున్న అనుపమ్ శ్యామ్ (63) ఆదివారం రాత్రి కన్నుమూశారు. ముంబై సిటీ ఆసుపత్రిలో చికిత్స పొందుతున్న ఆయన అవయవాల వైఫల్యంతో కన్నుమూశారని శ్యామ్‌ స్నేహితుడు యశ్‌పాల్‌ శర్మ తెలిపారు. అయితే ఈ వార్త నుంచి గురించి మర్చిపోకముందే అనుపమ్ సోదరుడు అనురాగ్ చేసిన వ్యాఖ్యలు తీవ్రస్థాయిలో వివాదం సృష్టిస్తోంది. నటుడు అమీర్ ఖాన్ ఇచ్చినమాట తప్పడం వల్లే తన సోదరుడు ప్రాణాలు కోల్పోయారని ఆయన పరోక్షంగా వ్యాఖ్యలు చేశారు. ‘లగాన్’, ‘మంగళ్ పాండే’ వంటి సినిమాల్లో అమీర్ ఖాన్‌తో కలిసి అనుపమ్ నటించారు. ఈ సినిమాల్లో ఆయన నటనకుగాను ప్రేక్షకుల నుంచి మంచి స్పందన లభించింది. అయితే తన సోదరుడి వైద్యం కోసం అమీర్ ఖాన్ డబ్బులు అప్పుగా ఇస్తానని మాట ఇచ్చారని అనుపమ్ తెలిపారు. అమీర్ ఖాన్ నా సోదరుడికి ఇచ్చిన మాటను నిలబెట్టుకుని ఉంటే అనుపమ్ ఈరోజు జీవించి ఉండేవాడు. కానీ, ఆయన ఎంతో నమ్మకం పెట్టుకుంటే వాళ్లు మాత్రం సాయం అందించలేదని ఆయన తెలిపారు. ఓ బ్రాండ్ ఇమేజ్ పెట్టుకొని ఉండే ఇలాంటి తారలు.. సహాయం అంటే మాత్రం ముందుకు రారు అని ఆయన మండిపడ్డారు. మీరు చనిపోయినప్పుడు ఏమీ తీసుకువెళ్తారు అంటూ ఆయన ప్రశ్నించారు. చాలా మంది నటులు కొరియోగ్రాఫర్లు ఇతర టెక్నీషియన్లు తీవ్ర ఇబ్బందుల్లో ఉన్నారు. మా పెద్దలు గట్టిగా పిడికిలి బిగించి కూర్చున్నారుఅంటూ ఎద్దేవా చేశారు.

from Telugu Movie News | Movie News in Telugu | Movie Gossips in Telugu https://ift.tt/3fZZwaR
v