ఆ రికార్డుకు చేరువలో అక్షయ్ కుమార్.. త్వరలో ఆ ఘనత సాధించనున్న ‘ఖిలాడీ’

బాలీవుడ్ స్టార్ హీరో అక్ష‌య్ కుమార్ ఏ సినిమా చేసినా అందులో ఓ విలక్షణత ఉంటుంది. కామెడీ సినిమాలు చేయాలన్నా.. లేదా యాక్షన్ సినిమా, దేశభక్తి సినిమా ఇలా చెప్పుకుంటూ పోతే.. ఏ రకమైన సినిమాలో అయిన ఆయన అద్భుత ప్రదర్శన చేస్తారు. తన నటనతో ప్రేక్షకుల మనస్సు దోచుకున్న ఆయన బాలీవుడ్‌లో ‘ఖిలాడీ’గా ఫిక్స్ అయిపోయారు. ఇక స్టంట్స్ విషయానికొస్తే డూప్ లేకుండా సొంతంగా చేస్తూ అక్కడా మార్కులు కొట్టేశారు అక్షయ్. ఆయన సినిమా అంటే చాలు కావాల్సినంత వినోదం ఉంటుందని ప్రేక్షకులు ఫిక్స్ అయ్యారు. అయితే అక్షయ్ తాజాగా ఓ రికార్డుకు చేరువలో ఉన్నారట. అదీ ప్రస్తుతం ఉన్న హీరోల్లో ఇక్కడ తెలుగులో మెగాస్టార్ చిరంజీవి సాధించిన రికార్డు కావడం విశేషం. అదేంటంటే.. అక్షయ్ త్వరలో 150 సినిమాల మైలురాయిని చేరుకోనున్నారని తెలుస్తోంది. తన సినీ కెరీర్ ఆరంభం నుంచి విరామం లేకుండా పని చేస్తారు అక్షయ్. ఒక ఏడాదిలో ఎన్ని సినిమాలు చేయాలన్నా.. తన షెడ్యూల్‌ని ప్లాన్ చేసుకొని చేస్తారు. 1987 లో సినిమా కెరీర్ ప్రారంభించిన అక్షయ్ ఇప్పటి వరకూ 146 సినిమాల్లో నటించారు. ప్రస్తుతం ఆయన ‘బెల్ బాటమ్’.. ‘సూర్యవంశీ’ అనే చిత్రాల్లో నటిస్తున్నారు. ఈ రెండు సినిమాల తర్వాత ‘బచ్చన్ పాండే’, ‘పృథ్వీరాజ్’, ‘ఆత్రంగీ రే’, ‘రామ్ సేతు’, ‘రక్షా బంధన్’, ‘మిషన్ సిండ్రెల్లా పార్ట్-1’ చిత్రాలలో నటిస్తున్నారు. దీంతో మెగాస్టార్ చిరంజీవి తరహాలో 150 సినిమాలు చేసిన హీరోగా కూడా రికార్డుల్లోకి ఎక్కనున్నారు. ఇక ప్రస్తుతం ఆయన నటిస్తున్న సినిమా మరి కొన్ని రోజుల్లో ఓటీటీల్లో విడుదల కానుంది. రంజిత్ తివారీ దర్శకత్వం వహించిన ఈ సినిమాలో హుమా ఖురేషి, వాణీ కపూర్, లారా దత్తా తదితరులు ప్రధాన పాత్రలో నటిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3sefBie
v