నితిన్‌ని అలా చూసి షాక్ అయిన నభా.. ఆకట్టుకుంటున్న ‘మాస్ట్రో’ కొత్త పాట

విభిన్నమైన సినిమాలు చేస్తూ గత కొంతకాలంగా ప్రేక్షకులను అలరిస్తూ వస్తున్నారు యూత్ స్టార్ . ఈ ఏడాది ‘చెక్’ అనే సినిమాతో ఆయన ప్రేక్షకులను పలకరించారు. అయితే ఈ సినిమా బాక్సాఫీస్ వద్ద బోల్తా పడింది. ఇది విడుదలైన కొన్ని రోజుల్లోనే ‘రంగ్‌దే’ అనే మరో సినిమాతో ఆయన మళ్లీ థియేటర్లలో ప్రత్యక్ష్యం అయ్యాడు.. కానీ, ఈ సినిమాకు కూడా అంతంత మాత్రంగానే రెస్పాన్స్ వచ్చింది. అయితే ప్రస్తుతం నితిన్ నటిస్తున్న ప్రతిష్టాత్మక చిత్రం ‘’. హిందీలో సూపర్‌హిట్‌గా నిలిచిన ‘అందాధూన్’ సినిమా రీమేక్‌గా ఇది రూపొందుతోంది. హిందీలో ఈ సినిమాలో ప్రధాన పాత్రలో ఆయుష్మాన్ ఖురానా నటించారు. మార్చి 30న నితిన్ పుట్టినరోజు సందర్భంగా అతనికి విషెస్ చెబుతూ.. చిత్ర యూనిట్ సినిమా ఫస్ట్‌లుక్‌ను విడుదల చేశారు. కొద్ది రోజుల క్రితం ఈ సినిమా నుంచి ‘బేబీ ఓ బేబీ’ అనే లిరికల్ వీడియోని కూడా వదిలింది చిత్ర యూనిట్. తాజాగా ఈ సినిమా నుంచి మరో పాటను విడుదల చేశారు. ‘వెన్నెల్లో ఆడపిల్ల’ అనే ఈ పాట ప్రేక్షకులను విశేషంగా ఆకట్టుకుంటుంది. ‘అనగనగగా అందమైన కథగా.. మొదలైన ఈ మనసే.. నువ్వు లేక జతగా.. ఉండనీదు తెలుసా.. వెన్నెల్లో ఆడపిల్లే తనా..’ అంటూ ఈ పాట సాగుతోంది. ఈ పాటకు శ్రీ జో, కృష్ణ చైతన్య సాహిత్యం అందించగా.. స్వీకర్ అగస్తీ గాత్రం చేశారు. ఈ పాటలో నితిన్‌ని అంధుడిగా చూసి హీరోయిన్ నభా నటేష్ షాక్ అవ్వడం మనం గమనించవచ్చు. ఇక ఈ సినిమాలో మిల్కీ బ్యూటీ తమన్నా ఓ ప్రధాన పాత్రలో నటిస్తోంది. ఇక ఈ సినిమాకు మేర్లపాక గాంధీ దర్శకత్వం వహిస్తుండగా.. మహతి స్వర సాగర్ సంగీతం సమకూర్చారు.

from Telugu Movie News | Movie News in Telugu | Movie Gossips in Telugu https://ift.tt/2VvBgX5
v