పవర్స్టార్ పవన్కళ్యాణ్కి తెలుగు రాష్ట్రాల్లో ఉన్న ఫాలోయింగ్ మామూలు కాదు. కోట్లాది మంది అభిమానులు ఆయనను ప్రేమిస్తారు. ఇంకా ఎక్కువగా చెప్పాలి అంటే ఓ దేవుడిలా ఆరాధిస్తారు. ఆయన సినిమా వస్తుంది అంటే చాలు థియేటర్ల వద్ద పండగ వాతావరణం నెలకొంటుంది. అయితే 2012కు ముందు వరకూ పవన్ అభిమానులు నిరుత్సాహంలోనే ఉన్నారు. ఎందుకంటే అంతకు ముందు ఆయన తీసిన దాదాపు 10 సినిమాల వరకూ ఫ్లాపులను మూటగట్టుకున్నాయి. అయితే అప్పుడే ఓ సినిమా వచ్చి పవన్ అభిమానుల్లో జోష్ నింపింది. అదే ‘గబ్బర్సింగ్’. దర్శకత్వంలో.. బండ్ల గణేశ్ నిర్మాతగా.. శృతి హాసన్ హీరోయిన్గా వచ్చిన ఈ సినిమా రికార్డులను తిరగరాసింది. రీమేక్ సినిమా అయినప్పటికీ.. తెలుగు నెటివిటీకి తగ్గట్లు తీయడంతో ఈ సినిమా ప్రేక్షకులను విశేషంగా ఆకట్టుకోవడమే కాదు.. పవన్కళ్యాణ్ను మళ్లీ ఫామ్లోకి తీసుకువచ్చింది. ఇక ఈ సినిమాతో నిర్మాతగా బండ్ల గణేష్కి కూడా మంచి గుర్తింపు లభించింది. ఆ తర్వాత ఆయన కూడా స్టార్ హీరోలతో సినిమారు చేస్తూ స్టార్ ప్రొడ్యూసర్గా ఎదిగిపోయారు. అయితే ఎందరు హీరోలతో సినిమాలు చేసినా.. ఆయన పవన్కళ్యాణ్కి ఫ్యాన్గా మాత్రమే కాదు.. ఓ భక్తుడిగా మిగిలిపోయారు. అందుకే సినిమా ఫంక్షన్లు జరిగితే అక్కడ కచ్చితంగా ప్రత్యక్షం అవుతారు. తాజాగా ‘వకీల్సాబ్’ సినిమా ఈవెంట్లో కూడా ఆయన చేసిన కామెంట్స్ ఎంతో వైరల్ అయ్యాయి. అయితే పవన్కళ్యాణ్ పుట్టినరోజు సందర్భంగా సెప్టెంబర్ 2వ తేదీన రెండు తెలుగు రాష్ట్రాల్లోని థియేటర్లలో ‘గబ్బర్సింగ్’ సినిమాను ప్రదర్శిస్తామని బండ్ల గణేష్ స్పష్టం చేశారు. అయితే ఇది చూసిన నెటిజన్లు తమ ప్రాంతాల్లో కూడా గబ్బర్సింగ్ సినిమాను ప్రదర్శించాలని కోరుతూ.. బండ్ల గణేష్కు విజ్ఞప్తి పెట్టారు. దీనిపై రియాక్ట్ అయిన బండ్ల గణేష్ తమ ప్రాంతాల్లో ఉండే థియేటర్లను బ్లాక్ చేయాలి అని.. అప్పుడు అక్కడ కూడా సినిమాను ప్రదర్శిస్తామని బండ్ల హామీ ఇచ్చారు.
from Telugu Movie News | Movie News in Telugu | Movie Gossips in Telugu https://ift.tt/3knH2Te
v
No comments:
Post a Comment