‘మా’ మసకబారింది.. మేం అనుకున్న స్థాయిలో ప్యానల్ పనిచేయలేదంటూ మెగా బ్రదర్ వచ్చే ఎన్నికల్లో ప్రకాష్ రాజ్ ప్యానల్కి జై కొట్టిన విషయం తెలిసిందే. దీనిపై గతంలోనే కౌంటర్ ఇచ్చిన ప్రస్తుత మా అధ్యక్షుడు నరేష్.. మరోసారి ఈ అంశాన్ని గురించి ప్రస్తావిస్తూ షాకింగ్ కామెంట్స్ చేశారు. ‘ఎవరు ఎవరికి సపోర్ట్ చేస్తున్నారన్నది తెలియాలి.. పనితనాన్ని బట్టా?? పాలిటిక్స్ని బట్టా.. లేదా పర్సనల్ రీజన్స్ని బట్టా అన్నది ఉంటుంది. ఏదైనా విషయంలో మనకి డౌట్స్ ఉన్నప్పుడు వాటిని అడగడంలో తప్పులేదు.. గతంలో చిరంజీవి గారు మంచి మాట చెప్పారు.. చెడు ఉంటే చెవిలో మాట్లాడదాం.. మంచి మైక్లో మాట్లాడదాం అన్నారు. అది చాలామంచి ఆలోచన. అందరికీ అబ్బిన ఆలోచన. ‘మా’ నిబంధనల ప్రకారం మా గురించి తప్పుగా మాట్లాడకూడదు.. మా గురించి తప్పుగా మాట్లాడిన సభలో ఉన్నా కూడా క్రమశిక్షణ చర్యలు తీసుకోవచ్చని ఉంది. ఇప్పుడు నేను నాగబాబు గారి గురించి టార్గెట్ చేయదల్చుకోలేదు. కానీ ఆయన ‘మా’ మసకబారింది అంటే నాకు చాలా బాధకలిగింది. ఇదే నాగబాబు గారు రాజేంద్ర ప్రసాద్, శివాజీ రాజాలకు సపోర్ట్ చేశారు.. ఆ తరువాత వాళ్లు బాగా చేయలేదని మాకు సపోర్ట్ చేశారు. మేం గెలిచాం.. మేం వచ్చిన ఈ రెండేళ్లలో చాలా చేశాం.. ఏం చేశామన్నది కాగితాల్లోనే ఉంది. అందుకే భయపడుతున్నారు. నేను మాటలతో చెప్పాలనుకోలేదు.. పనితో సమాధానం చెప్పా.. ‘మా’ (MAA) చరిత్రలో కరోనా టైంలో 900 వందల మంది ప్రాణాలకు మేం భద్రత కల్పించాం.. మెడికల్ ఇన్సూరెన్స్ ద్వారా కోటీ నలభై లక్షలు వాడుకున్నారు. ఇలాంటిది ఎప్పుడైనా ఎవరి అధ్యక్షతనైనా జరిగిందా?? ‘మా’లో 16 ప్రాణాలు చనిపోయినప్పుడు గంటల వ్యవధిలో మూడేసి లక్షల చొప్పున అందించాం. నేను ఇన్ని చేశాను కాబట్టే మళ్లీ ‘మా’ ఎన్నికల్లో పోటీ చేస్తే మంచి మెజారిటీతో గెలుస్తా. కానీ పోటీ చేయదల్చుకోలేదు. నేను పోటీలో ఉన్నప్పుడు నాకు పెద్దగా సపోర్ట్ లేదు.. కానీ భారీ మెజారిటీతో గెలిచా. ఎందుకంటే ‘మా’లో ఉన్న మెంబర్స్ని నేనేటో తెలుసు. నా పనిచూసి మెగాస్టార్ చిరంజీవి గారు కూడా ఫోన్ చేసి అభినందించారు. పోటీ అనేది హెల్దీగా ఉండాలి.. కాని ఇప్పుడు అలాంటి పరిస్థితి లేనందుకే ఇప్పట్లో పోటీ చేయాలని అనుకోవడం లేదు. ‘మా’ రెండు గ్రూపులుగా విడిపోయింది. ఎవరు విడగొట్టారన్నది పక్కన పెడితే.. నేను అందర్నీ కలుపుకుపోవాలనే చూశా.. కొంతమంది మాత్రం విడగొట్టడానికే ప్రయత్నిస్తున్నారు. పండ్లు ఉన్న చెట్టుకే రాళ్లు వేస్తారు.. నేను పనిచేశాను కనుకనే నాపై విమర్శలు వస్తున్నాయి. నాగబాబు గారు గతంలో సపోర్ట్ చేసి ఉండొచ్చు కానీ.. ఇప్పుడు అలా లేదు. ఆయన హయాంలో కూడా ఒక భవనం కొన్నారు.. ఆ భవనం తక్కువ రేటుకి అమ్మేశారు.. నేను ఆ వివాదాల జోలికి పోవడం లేదు. నాగబాబు గారు.. ప్రకాష్ రాజ్ గారు నా ఫ్రెండ్సే ‘మా’ మధ్య మంచి అనుబంధమే ఉంది. కానీ.. ‘మా’లో వర్గపోరు నడుస్తుంది. ఏది ఏమైనా నేను ఇప్పటికీ పవర్ నాదే. ఒకటైంలో సెప్టెంబర్ టు సెప్టెంబర్ ఉండేది.. మార్చి టు మార్చి ఉండేది.. కానీ పరుచూరి హయాంలో సెప్టెంబర్ వరకూ అని అన్నారు. కానీ మేం మార్చిలో అయినా మేం ఎన్నికలకు సిద్ధం అనే అంటున్నాం. సొసైటీ యాక్ట్ ప్రకారం.. ప్రస్తుతం ఉన్న మా కమిటీ ఆరేళ్ల వరకూ కొనసాగవచ్చు. కానీ అలాంటి అవసరం మాకు లేదు’ అంటూ చెప్పుకొచ్చారు మా ప్రస్తుత అధ్యక్షుడు నరేష్.
from Telugu Movie News | Movie News in Telugu | Movie Gossips in Telugu https://ift.tt/3CDEd8I
v
No comments:
Post a Comment