డ్యూటీ ఎక్కిన పవన్ కళ్యాణ్.. ఆ డ్రెస్సులో దొంగల పని బడుతున్న పవర్ స్టార్!

అజ్ఞాతవాసి సినిమా తర్వాత రాజకీయాల్లోకి ఎంట్రీ ఇచ్చి రెండేళ్ల ప్రయాణం కొనసాగించిన .. 'వకీల్ సాబ్' రూపంలో తిరిగి కెమెరా ముందుకొచ్చారు. ఇటీవలే విడుదలై సక్సెస్ సాధించిన ఈ సినిమా పవన్ ఫ్యాన్స్‌లో ఆనందం నెలకొల్పింది. అదే హుషారులో వరుస సినిమాలకు కమిటైన పవన్ కళ్యాణ్.. అంగీకరించిన సినిమాలన్నీ ఒక్కొక్కటిగా ఫినిష్ చేస్తూ వస్తున్నారు. ఈ నేపథ్యంలోనే కరోనా లాక్ డౌన్ కారణంగా వాయిదాపడ్డ `అయ్యప్పనుమ్‌ కోషియుమ్‌` తెలుగు రీమేక్ సెట్స్ పైకి వచ్చేశారు పవన్ స్టార్. సాగర్ చంద్ర దర్శకత్వం వహిస్తున్న ఈ మూవీలో పవన్‌తో కలిసి దగ్గుబాటి స్క్రీన్ షేర్ చేసుకోబోతున్నారు. ఈ సినిమా షూటింగ్ కొన్ని నెలలక్రితం ప్రారంభమై కరోనా సెకండ్ వేవ్ దెబ్బకు వాయిదా పడింది. అయితే ఇప్పుడు పరిస్థితులు చక్కబడటంతో నేడు (సోమవారం) తిరిగి సెట్స్ పైకి వచ్చేశారు పవన్. ఈ విషయాన్ని తెలుపుతూ పవన్ కళ్యాణ్ స్టిల్ రిలీజ్ చేసింది చిత్రయూనిట్. ఇందులో ఆయన పోలీస్ గెటప్‌లో కనిపిస్తున్నారు. డ్యూటీ దొంగల పని బడుతున్నట్లుగా సీరియస్‌గా కనిపించారు. బ్యాక్ సైడ్ నుంచి తీసిన ఈ ఫొటోలో పవన్ పూర్తి లుక్ కనిపించనప్పటికీ సోషల్ మీడియాలో వైరల్‌గా మారింది. సాయి పల్లవి, ఐశ్వర్య రాజేష్ హీరోయిన్లుగా కన్ఫర్మ్ అయినట్లు తెలుస్తోంది. రానా, పవన్ కళ్యాణ్ మధ్య వచ్చే సీన్స్ అబ్బుర పరచనున్నాయట. పోలీస్ ఆఫీసర్ బీమ్లా నాయక్ పాత్రలో పవన్ నటిస్తున్నారు. సముద్రఖని, మురళీ శర్మ, బ్రహ్మాజీ, నర్రా శ్రీను కీలక పాత్రలు పోషిస్తున్నారు. ఈ సినిమాకు త్రివిక్రమ్‌ శ్రీనివాస్ మాటలు అందిస్తూ దర్శకత్వ పర్యవేక్షణ చేస్తుండటం విశేషం.

from Telugu Movie News | Movie News in Telugu | Movie Gossips in Telugu https://ift.tt/3kVGCoV
v