అభినవ్ సర్ధార్, రామ్ కార్తిక్, చాందిని తమిళ్రాసన్, శాని సాల్మాన్ కీలక పాత్రల్లో 'పీనట్ డైమండ్' మూవీ రూపొందుతోంది. గతంలో ఏ సినిమాలో చూడని డిఫరెంట్ సబ్జెట్ ఎంచుకొని ఈ సినిమాను తెరకెక్కిస్తున్నారు డైరెక్టర్ వెంకటేష్ త్రిపర్ణ. షూటింగ్ చేస్తూనే సినిమాను ప్రమోట్ చేస్తూ వచ్చిన మేకర్స్.. తాజాగా స్టార్ డైరెక్టర్ క్రిష్ చేతుల మీదుగా ఈ మూవీ ట్రైలర్ రిలీజ్ చేయించారు. ''త్రేతాయుగంలో మంచి చెడు అనేది రామ రావణ రూపంలో ఒకే ప్రపంచంలో ఉంది. ద్వారపయుగంలో పాండవులు, కౌరవుల రూపంలో ఒకే కుటుంబంలో ఉంది. కానీ, ఈ కలియుగంలో..'' అంటూ ఆసక్తి రేకెత్తించే డైలాగ్తో మొదలైన ఈ ట్రైలర్ ఆద్యంతం ఆసక్తికరంగా సాగింది. సీనియర్ హీరో సుమన్ రోల్ ఈ సినిమాలో కీలకం అని తెలుస్తోంది. యాక్షన్ సన్నివేశాలతోపాటు రొమాంటిక్ సీన్లు జోడిస్తూ సినిమాపై హైప్ తీసుకొచ్చారు మేకర్స్. క్యూట్ లవ్ స్టోరీతో పాటు థ్రిల్లింగ్ సన్నివేశాలతో ఈ సినిమా రూపొందించారని స్పష్టమవుతోంది. ఓ వజ్రం చుట్టూ తిరిగే కథతో తెలుగు ప్రేక్షకులు మెచ్చేలా ఆసక్తికరంగా ఈ కథను మలిచారని ట్రైలర్ చూస్తుంటే తెలుస్తోంది. ఐ యామ్ ది డేంజర్.. అంటూ హీరో గట్టిగా అరవడం, వజ్రాన్ని తయారు చేయాలనే ఆలోచన వాడికి ఆరోజే మొదలైంది అనే డైలాగ్తో ఈ వీడియో ముగించి మూవీపై క్యూరియాసిటీ పెంచేశారు. చివర్లో శుభలేఖ సుధాకర్ కనిపించడం మరింత ఆసక్తికరంగా మారింది. థ్రిల్లింగ్ సన్నివేశాలకు తోడు బ్యాక్ గ్రౌండ్ స్కోర్ సినిమాకు ప్లస్ అయ్యే అవకాశాలు కనిపిస్తున్నాయి. ఎఎస్పి మీడియా హౌస్, జివి ఐడియాస్ పతాకాలపై ప్రొడక్షన్ నెం.1గా రూపొందుతున్న ఈ 'పీనట్ డైమండ్' మూవీకి , వెంకటేష్ త్రిపర్ణ నిర్మాతలుగా వ్యవహరిస్తున్నారు. కథ, మాటలు, స్క్రీన్ ప్లే, దర్శకత్వం ఇలా అన్ని బాధ్యతలను వెంకటేష్ త్రిపర్ణ తీసుకోవడం విశేషం. చిత్రానికి `బెంగాల్ టైగర్` ఫేమ్ భీమ్స్ సిసిరోలియో సంగీతం అందిస్తున్నారు. అతిత్వరలో ఈ మూవీ రిలీజ్ డేట్ అనౌన్స్ చేయనున్నారు దర్శకనిర్మాతలు.
from Telugu Movie News | Movie News in Telugu | Movie Gossips in Telugu https://ift.tt/2SwhhWU
v
No comments:
Post a Comment