సినీ ఇండస్ట్రీలో మరో విషాదం.. హీరో సంచారి విజయ్ కన్నుమూత

ఈ మధ్యకాలంలో సినీ ఇండస్ట్రీలో వరుస విషాదాలు చోటు చేసుకుంటున్నాయి. టాలీవుడ్, బాలీవుడ్, కోలీవుడ్, శాండిల్‌వుడ్ ఇలా అన్ని చోట్లా చోటు చేసుకుంటున్న వరుస మరణాలు సినీ వర్గాలను విషాదంలో ముంచెత్తుతున్నాయి. ఒకరి మరణం తాలూకు విషాదం నుంచి బయటకు రాకముందే మరొకరి మరణ వార్త బయటకొస్తోంది. కొద్ది సేపటి క్రితం కన్నడ నటుడు సంచారి విజయ్‌ కన్నుమూశారు. ఇటీవల జరిగిన రోడ్డు ప్రమాదంలో సంచారి విజయ్‌కు తీవ్ర గాయాలయ్యాయి. బెంగళూరులోని ఓ స్నేహితుడి ఇంటి నుంచి సొంతింటికి బైక్‌ మీద వెళుతుండగా ఆయనకు యాక్సిడెంట్‌ జరిగింది. ఈ ఘటనలో విజయ్‌ తల, కాలికి బలమైన గాయాలయ్యాయి. దీంతో ఆయన్ను వెంటనే దగ్గరలోకి ఆసుపత్రికి తరలించారు. ఆసుపత్రిలో ఐసీయూలో ఉంచి చికిత్స అందిస్తుండగా.. ఆయన ఆరోగ్య పరిస్థితి ఆందోళనకరంగా మారి తుది శ్వాస విడిచారు. 2011 సంవత్సరంలో వచ్చిన 'రంగప్ప హోగ్‌బిట్న' మూవీతో సినీ గడపతొక్కిన .. ఆ తర్వాత 'హరివూ', 'ఒగ్గరానే' సినిమాలతో మంచి గుర్తింపు పొందారు. ‘నాను అవనాల్ల.. అవలు’ చిత్రంలో ట్రాన్స్‌జెండర్‌గా నటించి విమర్శకుల ప్రశంసలు అందుకున్న ఆయన జాతీయ అవార్డు సొంతం చేసుకున్నారు. చివరగా 'యాక్ట్‌ 1978' చిత్రంలో ఆయన కనిపించారు. సంచారి విజయ్‌ మరణ వార్త తెలిసి పలువురు సినీ ప్రముఖులు సంతాపం వ్యక్తం చేస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/35et3Ii
v