రెండు రోజుల క్రితం యంగ్ టైగర్ ఎన్టీఆర్ బారిన పడిన సంగతి తెలిసిందే. తనకు కరోనా సోకిందని, తన ఫ్యామిలీ అంతా హోమ్ క్వారంటైన్లో ఉంటూ కరోనా చికిత్స తీసుకుంటున్నామని, ఎవ్వరూ ఆందోళన చెందాల్సిన అవసరం లేదని ఆయన స్వయంగా పోస్ట్ పెట్టారు. దీంతో ఆరోగ్యం త్వరగా కుదుటపడాలని పలువురు సినీ, రాజకీయ ప్రముఖులతో పాటు ఆయన ఫ్యాన్స్ కోరుకుంటున్నారు. ఈ నేపథ్యంలో తాజాగా ఎన్టీఆర్ ఆరోగ్య పరిస్థితిపై కీలక అప్డేట్ ఇచ్చారు మెగాస్టార్ . ఎన్టీఆర్తో ఫోన్లో మాట్లాడిన చిరంజీవి.. ఆయన ఆరోగ్యం గురించి అడిగి తెలుసుకున్నారట. ఈ విషయాన్ని ట్విట్టర్ ద్వారా వెల్లడించిన మెగాస్టార్ ''కాసేపటి క్రితం తారక్తో మాట్లాడాను. అన్ని జాగ్రత్తలు తీసుకుంటూ హోమ్ క్వారంటైన్లో ఉన్నారు. తారక్తో పాటు ఆయన కుటుంబ సభ్యులు కూడా ఆరోగ్యంగా ఉన్నారు. తారక్ ఎంతో ఉత్సాహంగా ఉన్నారని తెలుసుకుని నాకెంతో ఆనందంగా అనిపించింది. త్వరలోనే పూర్తిగా కోలుకుంటారని ఆశిస్తున్నాను'' అని పేర్కొంటూ ట్వీట్ చేశారు. ఎన్టీఆర్కి చిరు కాల్ చేసి మాట్లాడటం నందమూరి అభిమానుల్లో ఆనందం నింపుతోంది. ప్రస్తుతం మెగా వారసుడు రామ్ చరణ్తో కలిసి RRR సినిమాలో నటిస్తున్నారు ఎన్టీఆర్. పీరియాడికల్ మూవీగా రాజమౌళి రూపొందిస్తున్న ఈ భారీ సినిమాలో కొమురం భీంగా ఎన్టీఆర్, అల్లూరి సీతారామరాజుగా రామ్ చరణ్ కనిపించబోతున్నారు. ఈ సినిమాపై మెగా, నందమూరి అభిమానులు భారీ అంచనాలు పెట్టుకున్నారు.
from Telugu Movie News | Movie News in Telugu | Movie Gossips in Telugu https://ift.tt/3y3WBFC
v
No comments:
Post a Comment