రెండో దశలో భారతదేశంలో కరాళ నృత్యం చేస్తోంది. గత ఏడాది డిసెంబర్, ఈ ఏడాది జనవరిల్లో పెద్దగా కేసులు నమోదు కాకపోవడంతో ప్రతీ ఒక్కరు వైరస్ పూర్తి వెళ్లిపోయిందని భావించారు. దీంతో ప్రజలు యదేశ్చగా జీవనం గడపడం ప్రారంభించారు. దీంతో కరోనా మరోసారి ప్రజలపై విరుచుకుపడింది. ప్రతీ రోజు దేశ వ్యాప్తంగా లక్షల సంఖ్యలో కేసులు, వేల సంఖ్యలో మరణాలు సంభవించడం ప్రారంభం అయ్యాయి. గతంలో ఎన్నడూ లేని విధంగా ప్రపంచ రికార్డు స్థాయిలో భారతదేశంలో కరోనా కేసులు నమోదు అవుతున్నాయి. ఈ నేపథ్యంలో కరోనా వ్యాప్తిని అరికట్టేందుకు ప్రభుత్వాలు తగిన చర్యలు తీసుకుంటున్నాయి. పలు రాష్ట్రాల్లో లాక్డౌన్లు, కొన్ని రాష్ట్రాల్లో రాత్రి పూట కర్ఫ్యూలు విధిస్తున్నాయి. మరోవైపు కరోనా వ్యాప్తి నేపథ్యంలో సినిమా షూటింగ్లు ఎక్కడికక్కడ నిలిచిపోయాయి. దీంతో తారలు అందరూ మరోసారి ఇళ్లకు పరిమితమయ్యారు. అయితే తమ ఇళ్లలో ఉంటూనే సెలబ్రటీలు కరోనా బాధితుల కోసం తగిన సహాయాన్ని అందిస్తున్నారు. అవసరంలో ఉన్నవారికి ఆక్సిజన్, ఐసీయూ బెడ్లు, ప్లాస్మా తదితర వైద్య సౌకర్యాలు అందించేందుకు కృషి చేస్తున్నారు. తాజాగా హీరో కూడా ఈ సమయంలో ప్రతీ ఒక్కరు తమకు తోచిన సహాయం చేయాలంటూ ఓ వీడియోని పోస్ట్ చేశాడు. ప్రస్తుతం జరుగుతున్న కోవిడ్ మరణాలను చూసి తాను ఆవేశం, బాధ, అసహాయతకి గురయ్యాను అంటూ నిఖిల్ పేర్కొన్నాడు. గత రెండు మూడు వారాలుగా మాకు షూటింగ్లు అన్ని క్యాన్సిల్ కావడంతో.. అందరిలాగానే ఇంట్లో కూర్చొని కరోనా నుంచి తప్పించుకొనే ప్రయత్నం చేస్తున్నానని నిఖిల్ అన్నాడు. అయితే ఖాళీగా కూర్చొకుండా.. తన మిత్రులు, ఎన్జీవోల ద్వారా తనకు తోచిన సహాయం చేస్తున్నట్లు అతను తెలిపాడు. అయితే ఇది ఏ మాత్రం సరిపోవట్లేదని నిఖిల్ అన్నాడు. కళ్ల ముందే ప్రాణాలు పోతున్నాయని అతను బాధపడ్డాడు. అంతేకాక, మనల్ని ఎవరో వచ్చి కాపాడుతారు అనుకోవడం జరగని పని అని చెప్పిన నిఖిల్.. ప్రతీ ఒక్కరు తగిన జాగ్రత్తలు తీసుకోవాలని, మాస్కులు ధరించాలని, శానిటైజర్లు వాడాలని సూచించాడు. రాజకీయ నాయకులు ఒకరిపై మరొకరు నిందలు వేసుకోవడంలో బిజీగా ఉన్నారని అతను అన్నాడు. ఇలాంటి క్లిష్ట పరిస్థితుల్లో వేరే వాళ్లకు మానవత్వంలో సహాయం చేసే వాళ్లని చూసి తనకు ఆనందం కలుగుతుందని నిఖిల్ చెప్పాడు. చివర్లో ప్రతీ ఒక్కరు కూడా దయచేసి పక్కవాళ్లకు సహాయం చేయాలని అతను కోరాడు.
from Telugu Movie News | Movie News in Telugu | Movie Gossips in Telugu https://ift.tt/3etE263
v
No comments:
Post a Comment