అల్లు అర్జున్ కోసం ఉపాసన అలా.. కరోనా తగ్గాక అంటూ రామ్ చరణ్ స్పెషల్ సర్ ప్రైజ్!

టాలీవుడ్ స్టైలీష్ స్టార్ ప్రస్తుతం ఇంటి పట్టునే ఉంటున్నారు. గత వారంలో బన్నీ కరోనా బారిన పడిన సంగతి తెలిసిందే. పుష్ప షూటింగ్‌లో బిజీగా ఉన్న అల్లు అర్జున్‌‌కు వైరస్ సోకింది. అప్పటి నుంచి బన్నీ క్వారంటైన్‌లోనే ఉంటున్నారు. వైద్యుల సూచన మేరకు బన్నీ చికిత్స తీసుకుంటున్నారు. మధ్యలో బన్నీ తన ఫ్యామిలీ వీడియోలను షేర్ చేయడంతో అందరిలోనూ కొన్ని అనుమానాలు వ్యక్తమయ్యాయి. బన్నీకి కరోనా తగ్గినట్టుంది.. అందుకే ఇలా ఫ్యామిలీతో కలిసి ఉంటున్నారు.. వారి వీడియోలను షేర్ చేస్తున్నట్టున్నారు. అని అభిమానులు అనుకున్నారు. ఇలా తన ఆరోగ్యం వచ్చిన రూమర్లపై బన్నీ స్పందించారు. కరోనా నుంచి కోలుకుంటున్నాను.. ఇంకా క్వారంటైన్‌లోనే ఉన్నానంటూ బన్నీ చెప్పుకొచ్చారు. తన కోసం ప్రార్థిస్తున్న ప్రతీ ఒక్కరికీ థ్యాంక్స్ అంటూ బన్నీ పోస్ట్ చేశారు. ఇక బన్నీ తన బాల్కనీలో ఉంటూ చేయి ఊపుతున్న వీడియోను అల్లు శిరీష్ కూడా షేర్ చేశారు. అలా బన్నీ ఆరోగ్యం గురించి ఎప్పటికప్పుడు అప్డేట్లు ఇస్తూనే ఉన్నారు. అయితే తాజాగా బన్నీ ఆరోగ్యం గురించి రామ్ చరణ్, ప్రత్యేక దృష్టి పెట్టేశారు. చెర్రీ, ఉపాసన కలిసి ఓ స్పెషల్ కిట్‌ను బన్నీకి సర్ ప్రైజ్‌గా పంపించారు. అందులో కరోనాను జయించేందుకు కావాల్సిన పోషకాలన్నీ ఉన్నట్టు కనిపిస్తున్నాయి. డియర్ బన్నీ.. నువ్ బాగానే ఉన్నావని, త్వరగా కోలుకుంటున్నావని ఆశిస్తున్నాం.. కరోనా తగ్గాక మనం అంతా కలుసుకుందాం.. ప్రేమతో ఉపాసన అని ఓ లెటర్‌ను కూడా పంపించారు. థ్యాంక్యూ సోమచ్ అంటూ బన్నీ కూడా ఎమోషనల్ అయ్యారు.

from Telugu Movie News | Movie News in Telugu | Movie Gossips in Telugu https://ift.tt/3uBHsJI
v