సోనూసూద్.. ప్రస్తుతం భారతదేశం అంతా మారుమోగిపోతున్న పేరు ఇది. కరోనా కారణంగా ఏర్పడిన భయంకర పరిస్థితుల్లో అతను ఎందరికో అండగా నిలుస్తున్నాడు. కరోనా రోగులకు అవసరమైన వైద్య సౌకర్యాలు అందించేందుకు తన వొంతు కృషి చేస్తున్నాడు. ప్రస్తుతం దేశ వ్యాప్తంగా ఆక్సిజన్ కొరత ఏర్పడటంతో.. దాన్ని అధిగమించేందుకు అతను పాటుపడుతున్నాడు. తాజాగా దేశంలో ముందు ముందు ఆక్సిజన్ అవసరం మరింత ఉందని భావించి ఆక్సిజన్ ప్లాంట్లను నెలకొల్పాలనే ఆలోచనతో ముందుకొచ్చాడు. ఇందుకోసం ఫ్రాన్స్తో పాటు పలు విదేశాల నుంచి ఆక్సిజన్ ప్లాంట్లను కొనుగోలు చేస్తున్నట్లు అతను ప్రకటించాడు. అయితే సోనూసూద్ చేస్తున్న ఈ సహాయకార్యక్రమాలు చూసి ఆయనకు ఎంతో మంది అభిమానులు పెరిగిపోయారు. సోనూ మార్గంలోనే నడుస్తూ.. అతని అభిమానులు తోటి వారికి సహాయం చేస్తున్నారు. పేరుతో దేశ వ్యాప్తంగా సేవా కార్యక్రమాలను నిర్వహిస్తున్నారు. ఇక సోనూపై అభిమానం ఎక్కువగా పెంచుకున్న కొందరు అతన్ని దేశానికి ప్రధానిని చేయాలని డిమాండ్ చేస్తున్నారు. సోనూ దేశానికి ప్రధాని అయితే.. అతను మరిన్ని సేవా కార్యక్రమాలు చేసే అవకాశం ఉందని వాళ్ల భావన. అయితే ఈ వ్యాఖ్యలపై సోనూ రీసెంట్గా రియాక్ట్ అయ్యాడు. తనకు సామాన్యుడిలా జీవించడమే ఇష్టమని చెప్పిన సోనూ.. తనకు రాజకీయాల్లోకి వెళ్లాలనే ఆలోచన లేదని స్పష్టం చేశాడు. గత ఏడాది కోవిడ్-19 వ్యాప్తి ప్రారంభం నుంచే సోనూ తన సహాయ కార్యక్రమాలను ప్రారంభించాడు. కోవిడ్ వ్యాప్తిని అరికట్టేందుకు ప్రభుత్వం లాక్డౌన్ విధించడంతో.. వేలాది మంది వలస కార్మికులు, నిరుపేదలు తమ స్వస్థలాలకు వెళ్లలేక నానా ఇబ్బందులు ఎదురుకున్నారు. మరికొంత మంది ఉపాధి కోల్పోయి.. రోడ్డున పడ్డారు. ఇలాంటి వారందరికీ సోనూ తన ఆపన్న హస్తం అందించాడు. తన సొంత ఖర్చుతో వేలాది మందిని తమ స్వస్థలాలకు చేర్చిన అతను ఉపాధి కోల్పోయిన వారికి కూడా తగిన సహాయం అందించాడు. అప్పటి నుంచి అతన్ని అభిమానులు రియల్ హీరో అంటూ పిలవడం ప్రారంభించారు.
from Telugu Movie News | Movie News in Telugu | Movie Gossips in Telugu https://ift.tt/3eCn9Ga
v
No comments:
Post a Comment