ప్రముఖ సినీ జర్నలిస్టు, నటుడు TNR(తుమ్మల నరసింహారెడ్డి) సోమవారం తుదిశ్వాస విడిచిన విషయం తెలిసిందే. కొన్ని రోజుల క్రితం కరోనా బారిన పడిన ఆయన హైదరాబాద్లోని ఓ ప్రైవేట్ ఆస్పత్రిలో చికిత్స పొందుతూ మృతి చెందారు. అయితే టీఎన్ఆర్ మరణంపై మెగాస్టార్ దిగ్భ్రాంతి వ్యక్తం చేశారు. మంగళవారం సాయంత్రం సాయంత్రం భార్య, పిల్లలకు ఫోన్ చేసి పరామర్శించారు. టీఎన్ఆర్ కుటుంబానికి ఆయన తక్షణ ఖర్చుల కోసం సాయం అందజేశారు. మెగాస్టార్ చిరంజీవి అంటే అభిమానంతో సినిమా రంగానికి వచ్చిన TNR తనదైన మార్గాన్ని ఎంచుకుని ఎదిగారు. దాంతో పాటు లక్షరూపాయల తక్షణ ఖర్చుల కోసం సాయం అందజేశారు. చిరంజీవితో ఫోన్లో మాట్లాడిన టీఎన్ఆర్ సతీమణి ‘మీరంటే వీరాభిమానం సార్. తన 200వ ఇంటర్వ్యూ మీతోనే చేయాలని అనుకునేవారు. ఇంతవరకు మిమ్మల్ని కలవలేదు. మీరు మాకిలా ఫోన్ చేయడం ఎంతో సంతోషం కలిగించింది’ అని అన్నారు. తమకు సహాయం అందించినందుకు ఆమె చిరంజీవికి ప్రత్యేకంగా కృతజ్ఞతలు తెలిపారు. ఆమె మాటలు విన్న మెగాస్టార్ వారి కుటుంబానికి ఎలాంటి కష్టం వచ్చినా తాను అండగా ఉంటానని.. ఇలాంటి పరిస్థితుల్లో ధైర్యంగా ఉండాలని సూచించారు. TNR చేసిన ఎన్నో ఇంటర్వ్యూలు తాను చూశానని, తను ఇంటర్వ్యూ చేసే విధానం తనను ఎంతో ఆకట్టుకునేదని గుర్తుచేశారు. జీవితంలో పట్టుదలతో ఎదిగిన TNR ఎంతో మందికి స్ఫూర్తిదాయకంగా నిలుస్తారని. ఆయన ఆత్మకు శాంతి చేకూరాలని భగవంతుడిని ప్రార్థిస్తున్నానన్నారు. దేవదాస్ కనకాల వద్ద డైరక్షన్లో మెలకువలు నేర్చుకున్న TNR.. ఆ తర్వాత ప్రముఖ నటుడు ఎల్బీ శ్రీరామ్ వద్ద సహ రచయితగా పని చేశారు. అయితే ‘ఫ్రాంక్లీ స్పీక్ విత్ TNR’ అనే షోతో ఆయన ఎంతో పాపులర్ అయ్యారు. ఈ షో ద్వారా పలువురు సినీ, రాజకీయ ప్రముఖులను ఇంటర్య్వూ చేశారు. మీడియా రంగంలో తనకంటూ ప్రత్యేక గుర్తింపు తెచ్చుకొని పలువురి చేత భేష్ అనిపించుకున్న ఆయన.. పలు సినిమాల్లోనూ నటించారు.
from Telugu Movie News | Movie News in Telugu | Movie Gossips in Telugu https://ift.tt/3f4h30s
v
No comments:
Post a Comment