రాజముడి రైస్‌.. ఆడవాళ్ల పీరియడ్స్ సమయంలో ఇవి తింటే..! పూరి జగన్నాథ్ ఆరోగ్య సూత్రాలు

డాషింగ్ డైరెక్టర్ '' పేరుతో వరుస పోడ్ కాస్ట్ ఆడియోలు రిలీజ్ చేస్తున్న సంగతి తెలిసిందే. గతేడాది లాక్ డౌన్ సమయంలో ఇవే ఆడియోలు వదులుతూ ఎన్నో విషయాలపై తన అభిప్రాయాలు ఓపెన్‌గా చెప్పిన ఆయన.. రీసెంట్‌గా మళ్లీ లైన్ లోకి వచ్చారు. ఈ క్రమంలోనే తాజాగా '' అంటూ ఓ ఆడియో వదిలిన పూరి.. ఆ రాజముడి రైస్ గొప్పతనం గురించి వివరించారు. మరి అదేంటో ఆయన మాటల్లోనే విందామా.. ''ఇండియాలో మనందరికీ ముఖ్యమైన ఫుడ్ రైస్ (బియ్యం). మీరు చాలా రకాల బియ్యం పేర్లు వినే ఉంటారు. బాసుమతి, అన్నపూర్ణ, చంపా, హన్సరాజ్‌, మొలకొలుకులు, పూస, సోనా మసూరి, జాస్మిన్‌, సురేఖ.. ఇలా కొన్ని మాత్రమే మనకు తెలుసు. కానీ ఇండియాలో ఒకప్పుడు లక్ష రకాల బియ్యం ఉండేవి. ఒక రకం పండించే రైతు చనిపోతే అదే రకం మళ్లీ దొరికేది కాదు. అలా ఎన్నోరకాలు మాయమైపోయాయి. చివరికి 40,000 రకాలు మిగిలాయి. గత 50 ఏళ్లలో అవి కూడా కనుమరుగైపోయాయి. ఇప్పుడు 6,000 మిగిలాయి. వాటిల్లో ఒకదాని గురించి మీకు చెప్పాలి. దాని పేరు రాజముడి రైస్‌. ఇది కర్ణాటకలో పుట్టింది. అక్కడ పూర్వం రైతులు పన్నులు కట్టేందుకు డబ్బులు లేకపోతే ఈ రాజముడి రైస్‌తో కట్టేవారు. అంటే అప్పట్లో దానిని కరెన్సీగా భావించేవారు. అంత విలువైన రైస్ ఇది. విజయ్‌ రామ్‌, రాంబాబు అనే ఇద్దరు అన్నదమ్ములు ఈ రకం గురించి నాకు చెప్పారు. వాళ్లిద్దరూ వ్యవసాయం గురించి ఎన్నో పరిశోధనలు చేశారు. దీని వల్ల మన ఇమ్యూనిటీ బాగా పెరుగుతుంది. డయాబెటిక్‌ ఉన్నవారు తప్పకుండా తినాలి. అలాగే ఆడాళ్ళు తప్పకుండా తినాల్సిన రైస్ ఇవి. మంత్లీ పీరియడ్స్ సమయంలో ఆడాళ్లకి హార్మోన్ ఇన్‌బ్యాలెన్స్ ఉంటుంది. విపరీతమైన కడుపునొప్పి ఉంటుంది. అవన్నీ దీనితో మాయమైపోతాయి. నాకు తెలిసిన చాలా మంది ఈ రైస్ వాడుతున్నారు. దీన్ని కుక్కర్‌లో పెట్టి వండకూడదు. పాత రోజుల్లో లాగా ఎసరు పెట్టి వండాలి. గంజి వార్చి దాన్ని దాచుకోండి సాయంత్రం ఆ గంజిని తాగండి. మనం తినే తిండి వల్ల ఎన్నో జబ్బులొస్తున్నాయి. కొన్నాళ్లు మీరు తినే తెల్ల బియ్యం పక్కనపెట్టి ఈ రాజముడి రైస్‌ తినండి. రాజుగారికి ముడిగా చెల్లించిన బియ్యం'' అని పూరి అన్నారు.

from Telugu Movie News | Movie News in Telugu | Movie Gossips in Telugu https://ift.tt/3w0Zwgj
v