అక్కడ బెడిసికొట్టడంతో.. మళ్లీ టాలీవుడ్ తలపులు తడుతున్న నటి రియా

రియా చక్రవర్తి.. హీరోయిన్‌గా కంటే వివాదాల కారణంగానే చాలా ఫేమస్ అయింది. బాలీవుడ్ నటుడు సుశాంత్ సింగ్ రాజ్‌పుత్ ప్రేయసిగా ఉన్న ఈమె.. అతని ఆత్మహత్యతో చిక్కుల్లోపడిపోయింది. తెలుగులో ‘తూనీగ.. తూనీగ’ అనే సినిమాలో కనిపించిన రియా.. ఆ తర్వాత బాలీవుడ్‌కు మకాం మార్చింది. అక్కడే సుశాంత్‌తో పరిచయం ఏర్పడటం.. ఆ తర్వాత అతనితో రిలేషన్‌షిప్‌లోకి వెళ్లడం జరిగింది. అతని రికమండేషన్ వల్లే ఆమెకు బాలీవుడ్‌లో ఎన్నో సినిమా అవకాశాలు వచ్చాయి. అంతేకాక.. సుశాంత్ నటించే సినిమాలో తననే హీరోయిన్‌గా పెట్టుకోవాలంటూ.. అతనిపై ఒత్తిడి తెచ్చేదని కూడా తెలిసింది. ఆ తర్వాత అనూహ్యంగా సుశాంత్ సూసైడ్, డ్రగ్స్ వ్యవహారంలో ఈమె హస్తం ఉన్నట్లు రుజువు కావడంతో పోలీసులు అరెస్ట్ చేశారు. ఈ ఘటనపై పూర్తి విచారణ జరిగిన ఆ తర్వాత ఆమెకు జైలు శిక్ష విధించారు. గత ఏడాది అక్టోబర్‌లో శిక్ష పూర్తి చేసుకొని రియా బయటకు వచ్చింది. అయితే బయటకు వచ్చిన రియాకు అన్ని చేదు అనుభవాలే ఎదురయ్యాయి. సుశాంత్ మృతి ఆమె కారణం అంటూ.. బీ-టౌన్ ప్రేక్షకులు ఆమెని విలన్ చేశారు. ఇక ఆమెతో సినిమా చేస్తే.. అంతే సంగతులు అని భావించిన నిర్మాతలు, దర్శకుడు.. ఆమెతో సినిమాలను రద్దు చేసుకున్నారు. ఇక కొత్త సినిమాలు కూడా ఆమెకు వచ్చే అవకాశం లేదు. దీంతో బాలీవుడ్‌లో సెటిల్ కావాలనే ఈ అమ్మడి ప్లాన్ బెడిసికొట్టినట్లు అయింది. ఈ క్రమంలో సినిమా అవకాశాల కోసం ఈమె మరోసారి వైపు చూస్తున్నట్లు టాక్. తనకు తెలుగు సినిమాల్లో అవకాశం ఇవ్వాలంటూ.. ఇప్పటిక ఆమె పలువురు టాలీవుడ్ నిర్మాతలతో సంప్రదింపులు జరిపినట్లు తెలుస్తోంది. కనీసం రెండో హీరోయిన్‌గా ఛాన్స్ వచ్చినా.. తెలుగులో సినిమాలు చేసేందుకు రెడీగా ఉందట ఈ భామ. మరి రియా విషయంలో తెలుగు నిర్మాతలు కూడా బాలీవుడ్ మేకర్స్‌లానే ఆలోచిస్తారో.. లేక పాపంలే అనుకొని.. ఈ భామకి అవకాశాలు ఇస్తారో వేచి చూడాలి మరి.

from Telugu Movie News | Movie News in Telugu | Movie Gossips in Telugu https://ift.tt/2RtJiNY
v