సినిమాను నిశితంగా గమనించిన వారికి ఇప్పుడు చెప్పబోయే సీన్ గుర్తుకు వస్తుంటుంది. సినిమాలో అంజలిని అభాసుపాలు చేసేందుకు రౌడీలు ఆమె పరువును నెట్టింట్లో పెట్టేస్తారు. అసభ్యకరమైన ఫోటోలు పెట్టి.. అమ్మాయిలు కావాలంటే ఈ నంబర్కు ఫోన్ చేయండని చెబుతూ అంజలి పరువు తీసేస్తారు. అయితే ఇప్పుడు ఆ సీన్ ఓ వ్యక్తికి వేధింపులు ఎదురయ్యేలా చేసింది. ఆ సీన్లో వాడిన ఫోన్ నంబర్ తనదే అని.. తనకు తెలియకుండానే వాడేసుకున్నారని, ఇప్పుడు దాని వల్ల తనకు లేని పోని తలనొప్పులు మొదలయ్యాయని సదరు వ్యక్తి కిందా మీదా పడిపోతోన్నారు. అమ్మాయిలు కావాలంటూ తనకు కొందరు ఆకతాయిలు పదే పదే ఫోన్లు చేస్తున్నారని వాపోయాడు. ఇక ఇదే విషయాన్ని పోలీసుల ఎదుట చెప్పి తన బాధనంతా వెళ్లగక్కున్నాడు. ఇక తన ఫోన్ నంబర్ను అలా వాడుకోవడంపై పోలీసులకు ఫిర్యాదు చేశాడు. తన ఫోన్ నంబర్ను వాడుకున్నారంటూ సుధాకర్ అనే వ్యక్తి పంజాగుట్ట పోలీస్ స్టేషన్లో ఫిర్యాదు చేశాడు. తన అనుమతి లేకుండానే వకీల్ సాబ్లో ఓ చోట తన ఫోన్ నంబర్ను స్క్రీన్ మీద చూపించారని ఆగ్రహం వ్యక్తం చేశాడు. వకీల్ సాబ్ నిర్మాతకు లీగల్ నోటీసులు పంపినట్టు తెలుస్తోంది. మరి దీనిపై నిర్మాత దిల్ రాజు స్పందిస్తాడో లేదో చూడాలి. ఇలాంటి ఘటనలు ఇది వరకే జరిగాయి. సినిమాలో కొన్ని ఫోన్ నంబర్లు చెప్పే సీన్ల వల్ల ఎంతో మంది ఇబ్బంధులు పడ్డారు. అలాంటి ఘటనల తరువాత కొన్ని సినిమాల్లో బీప్ సౌండ్లు వేసేవారు. మొత్తానికి ఇప్పుడు ఈ వ్యవహారంతో వకీల్ సాబ్ మరోసారి వార్తల్లోకి ఎక్కింది. అంతే కాకుండా వకీల్ సాబ్ సీక్వెల్ రాబోతోందంటూ వార్తలు ప్రచారంలోకి వచ్చాయి. వాటిలో నిజమెంతుందో తెలియాలంటే మేకర్స్ ప్రకటించే వరకు ఆగాల్సిందే.
from Telugu Movie News | Movie News in Telugu | Movie Gossips in Telugu https://ift.tt/3ta7cuV
v
No comments:
Post a Comment