గొప్ప మనస్సు చాటుకున్న నవీన్ పొలిశెట్టి.. కరోనా విపత్కర వేళ అభిమానికి సర్‌ప్రైజ్

తెలుగు సినిమాల్లో చిన్న చిన్న పాత్రలు చేసి.. ఇక్కడ సరైన అవకాశాలు రాకపోవడంతో బాలీవుడ్ బాటపట్టాడు హీరో . అక్కడ కొన్ని షార్ట్ ఫిలిమ్స్ చేస్తూ మంచి గుర్తింపు తెచ్చుకున్నాడు. ఈ క్రమంలో కొందరు డైరెక్టర్ల దృష్టిలో అతను పడటంతో హీరోగా కూడా అవకాశాలు వచ్చాయి. తెలుగులో హీరోగా చేసిన మొదటి సినిమా ‘ఏజెంట్ సాయి శ్రీనివాస ఆత్రేయ’తో అతను మంచి మార్కులే కొట్టేశాడు. ఆ తర్వాత హిందీలో సుశాంత్ సింగ్ రాజ్‌పుత్, శ్రద్ధా కపూర్‌లు హీరోహీరోయిన్లుగా నటించిన ‘చిచోరే’ సినిమాలో తన నటనతో అలరించాడు. ఇక లేటెస్ట్‌గా కేవీ అనుదీప్ దర్శకత్వంలో రూపొందిన ‘జాతిరత్నాలు’ సినిమాలో బ్లాక్‌బస్టర్ హిట్ అందుకున్నాడు నవీన్. ‘జాతిరత్నాలు’ సినిమా తర్వాత నవీన్ రేంజ్ పెరిగిపోయింది. తెలుగు రాష్ట్రాలతో పాటు ఇతర రాష్ట్రాల్లో కూడా అతనికి పెద్ద సంఖ్యలో అభిమానులు పెరిగిపోయారు. ఈ సినిమా తర్వాత అతను వరుస ప్రాజెక్టులతో బిజీ అయిపోయాడు. అయితే కరోనా రెండో దశ కారణంగా దేశ వ్యాప్తంగా భయంకర పరిస్థితులు నెలకొన్న సంగతి తెలిసిందే. ఈ క్లిష్ట పరిస్థితుల్లో సెలబ్రిటీలు కరోనా బాధితులకు తమ వంతు సాయం చేస్తున్నారు. నవీన్ కూడా తన అభిమానికి సోషల్‌మీడియాలో సర్‌ప్రైజ్ ఇచ్చాడు. . ఇటీవల కరోనా బారినపడి తన తండ్రి కన్నుమూశారని, అప్పటి నుంచి తన తల్లి బాధతో కుంగిపోతోందని మే 5న సాయి స్మరణ్‌ అనే నెటిజన్‌ నవీన్‌ను ట్యాగ్‌ చేస్తూ ఓ ట్వీట్‌ పెట్టాడు. ‘జాతిరత్నాలు’ సినిమా చూసిన తర్వాత తన తల్లి కాస్త కుదుటపడిందని అతను పేర్కొన్నారు. అయితే విషయం తెలుసుకున్న నవీన్.. జరిగిన దుర్ఘటనపై విచారం వ్యక్తం చేశాడు. తన పూర్తి వివరాలు ఇవ్వాలని.. త్వరలోనే తనని సర్‌ప్రైజ్ చేస్తానంటూ ట్వీట్ చేశాడు. అన్నట్లుగానే అతను సాయి స్మరణ్ తల్లికి వీడియో కాల్ చేసి మాట్లాడాడు.. ఈ విషయాన్ని అతను ట్విట్టర్ ద్వారా వెల్లడించారు. ‘ఆ తల్లి మళ్లీ నవ్వింది. ఈ సమయంలో బాధ నుంచి బయటపడడం కోసం ప్రేమ ఎంతో అవసరం. అవసరమైన వారికి చేతనైనంత సాయం చేయండి’ అని ట్వీట్‌ పెట్టారు. త్వరలో నవీన్ పొలిశెట్టి యూవీ క్రియేషన్స్ బ్యానర్‌పై అనుష్క ప్రధాన పాత్రలో నటిస్తున్న సినిమాలో హీరోగా నటిస్తున్నాడని టాక్‌ వినిపిస్తోంది.

from Telugu Movie News | Movie News in Telugu | Movie Gossips in Telugu https://ift.tt/3tP75oT
v