సోనూసూద్ ఖాతాలో మరో ఘనత.. ఆయన కుటుంబంలో ఎంత మంది ఉన్నారంటే..!

‘ఆపద్భాంధవుడు’ అంటే 2020 వరకూ అందరికీ తెలిసింది మెగాస్టార్ చిరంజీవి నటించిన సినిమానే. కానీ, గత ఏడాదిన్నర కాలంగా ఆపద్భాందవుడు అంటే అందరికీ గుర్తుకు వచ్చేది ఒకే ఒక పేరు.. అదే . కరోనా లాక్‌డౌన్‌లో సమయంలో కష్టాల్లో ఉన్న ఎందరో వలస కార్మికులు, నిరుపేదలకు ఆయన అండగా నిలిచారు. ఇప్పుడు రెండో దశలోనూ విస్తృతంగా సేవా కార్యక్రమాలు చేస్తున్నారు. ఈ క్రమంలో సోనూకు భారీగా ఫాలోయింగ్ పెరిగిపోయింది. ఆయన్ని ఆదర్శంగా తీసుకుంటూ.. ఆయన అభిమానులు ఇతరులకు సహాయం అందిస్తున్నారు. తన సేవా కార్యక్రమాలతో సోనూసూద్ ఇప్పటికే ఎన్నో ఘనతలు తన ఖాతాలో వేసుకున్నారు. ఆయన నిస్వార్ధ సేవను మెచ్చి పలు స్వచ్ఛంద సంస్థలు, ప్రముఖులు ఆయనకు సన్మానం చేశారు. తాజాగా సోనూసూద్ మరో అరుదైన ఘనతను తన ఖాతాలో వేసుకున్నారు. ఆయన ఫ్యామిలీ సంఖ్య తాజాగా 7 మిలియన్లకు చేరింది. ఈ సందర్భంగా ఆయనకు అభిమానులు, ఫాలోవర్లు పెద్ద సంఖ్యలో అభినందనలు తెలుపుతున్నారు. రెండో దశలో సోనూసూద్‌ కూడా కరోనా బారిన పడ్డారు. కరోనా కారణంగా ఐసోలేషనల్‌లో ఉన్న ఆయన.. ఆ సమయంలో కూడా సేవా కార్యక్రమాలను ఆపేయలేదు. సోషల్‌మీడియా ద్వారా అవసరంలో ఉన్న వారికి సహాయం అందించారు. ఇక కోవిడ్ నుంచి కోలుకున్న తర్వాత సోనూసూద్.. సేవా కార్యక్రమాల్లో వేగం పెంచారు. సోషల్‌మీడియా ద్వారా ప్రజల అవసరాలు తెలుసుకొని వారికి తగిన సాయం అందిస్తున్నారు. అంతేకాక.. విదేశాల నుంచి ఆక్సిజన్ ప్లాంట్‌ను కొనుగోలు చేసి.. అందరికీ ప్రాణవాయువు అందించేందుకు ఆయన కృషి చేస్తున్నారు. ఇక సినిమాల విషయాకొస్తే.. తెలుగులో ఆయన ‘ఆచార్య’, ‘హరిహర వీరమల్లు’ తదితర సినిమాల్లో నటిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3fp0c8z
v