సినిమా అంటేనే అంచనాలు భారీగా ఉంటాయి. అలాంటి చిరంజీవి.. టాలీవుడ్లో మోస్ట్ సక్సెస్ఫుల్ డైరెక్టర్ కొరటాల శివ దర్శకత్వంలో ఓ సినిమా చేస్తున్నారంటే.. ఇంకా ఆ సినిమా కోసం అభిమానులు ఏ రేంజ్లో ఎదురుచూస్తారో ప్రత్యేకంగా చెప్పాల్సిన అవసరం లేదు. ఆ చిత్రమే ‘ఆచార్య’. మ్యాట్నీ ఎంటర్న్మెంట్స్ బ్యానర్స్తో కలిసి రామ్ చరణ్ సంయుక్తంగా నిర్మిస్తున్న ఈ సినిమా షూటింగ్ దాదాపు పూర్తికావొచ్చింది. ఈ సినిమాలో ప్రధాన పాత్రలో నటిస్తున్న రామ్ చరణ్పై చిత్రీకరించాల్సిన కీలక సన్నివేశాలు, ఓ పాట మినహా సినిమా అంతా పూర్తైనట్లు టాక్ వినిపిస్తుంది. ఈ నెలాఖరులో షూటింగ్ పూర్తి చేసి.. మే నెలలో పోస్ట్ ప్రొడక్షన్ పనులు ప్రారంభించాలని ఆచార్య చిత్ర యూనిట్ ప్లాన్ చేశారట. అయితే రెండో దశలో కరోనా శరవేగంగా వ్యాప్తి చెందుతున్న తరుణంలో పలు సినిమాలు తమ షూటింగ్లను, విడుదలను వాయిదా వేసుకుంటున్నాయి. తాజాగా నాగచైతన్య, సాయిపల్లవి హీరోహీరోయిన్లుగా నటించిన ‘లవ్స్టోరీ’ సినిమాని వాయిదా వేస్తున్నట్లు చిత్ర యూనిట్ ప్రకటించారు. ఈ క్రమంలో ఆచార్య కూడా వాయిదాపడే అవకాశం ఉందనే వార్తలు సోషల్మీడియాలో చెక్కర్లు కొట్టాయి. శుక్రవారం నుంచి చివరి షెడ్యూల్ షూటింగ్ ప్రారంభంకావాల్సింది. హైదరాబాద్ శివార్లలో వేసిన భారీ సెట్లో చరణ్పై ఓ ప్రత్యేక గీతాన్ని చిత్రీకరించాలని ప్లాన్ చేయగా.. అనుకోని పరిస్థితుల్లో దాన్ని సోమవారానికి వాయిదా వేశారు. అయితే దీనిపై చిరంజీవి అసంతృప్తి వ్యక్తం చేసినట్లు తెలుస్తోంది. ఎట్టుపరిస్థితుల్లో షూటింగ్ని అనుకున్న సమయానికి పూర్తి చేయాలని దర్శకుడు కొరటాల శివకు ఆయన సూచించారట. అందుకు కొరటాల కూడా అంగీకరించినట్లు తెలుస్తోంది. ఈ సినిమాలో చిరంజీవి సరసన కాజల్ అగర్వాల్ హీరోయిన్గా నటిస్తుండగా.. చరణ్కు జోడీగా పూజా హెగ్డే నటిస్తోంది. తనికెళ్ల భరణి, సోనూసూద్, సంగీత తదితరులు ప్రధాన పాత్రల్లో నటిస్తున్నారు. మెలోడీ కింగ్ మణిశర్మ సంగీతం సమకూరుస్తున్న ఈ చిత్రం ఈ ఏడాది ఆగస్టు 13న ప్రేక్షకుల ముందుకు రానుంది.
from Telugu Movie News | Movie News in Telugu | Movie Gossips in Telugu https://ift.tt/2PS3Wa7
v
No comments:
Post a Comment