సినిమాలో నటించాలని.. వెండితెరపై కనిపించాలని ఎందరో కలలు కంటుంటారు. తమ కలని నిజం చేసుకొనేందుకు ఎన్నో తంటాలు పడుతుంటారు. తమ ఫోటోలను, ప్రోఫైల్ను పట్టుకొని ఆఫీసుల చుట్టు తిరుగుతుంటారు. అదృష్టం బాగుంటే వాళ్లు ఆడిషన్ ఇచ్చి సినిమాలో నటించే ఛాన్స్ కొట్టేస్తారు. లేకుంటే.. తమ ప్రయత్నాన్ని అలాగే కొనసాగిస్తుంటారు. అయితే ఈ మధ్యకాలంలో సినిమా అవకాశాలు సాధించేందుకు ఎన్నో మార్గాలు ఏర్పడ్డాయి. ముఖ్యంగా షార్ట్ ఫిలిమ్స్, షార్ట్ వీడియోస్, మ్యూజిక్ వీడియోలు చేయడం.. ద్వారా పాపులర్ అయ్యి సినిమాల్లో నటించే అవకాశం కొందరికి లభిస్తోంది. ఈ క్రమంలో సినిమా ఛాన్స్ల కోసం విభిన్నమైన వీడియోలు చేస్తుంటారు. ఎవరూ ట్రై చేయని విధంగా చేస్తేనే తమకి గుర్తింపు వస్తుందనే భావనలో ఉంటారు. అయితే తమిళనాడుకు చెందిన అన్నదమ్ములు ఓ చెత్త ఆలోచన చేసి.. ఇద్దరిలో ఒకరి ప్రాణాలు పోయే పరిస్థితి తెచ్చుకున్నారు. కాంచీపురం జిల్లా సుంగువాసత్రం సంతవేలూరుకు చెందిన మారిముత్తు ఓ ప్రైవేటు ఉద్యోగి. అతని తమ్ముడు చెన్నైలో ఉంటూ చాలాకాలంగా సినిమాలో అవకాశం కోసం ప్రయత్నం చేస్తున్నాడు. తమ్ముడిని చూసి సినిమాలో నటించాలనే కోరిక మారిముత్తుకు కూడా పెరిగింది. ఈ క్రమంలో తనకు సినిమాలో నటించే అవకాశం ఉంటే ఏం చేయాలంటూ అతను తన తమ్ముడిని సలహా అడిగాడు. అతను చెప్పిన చెత్త సలహా విని ప్రాణాల మీదకు తెచ్చుకున్నాడు. ప్రాణం పోకుండా గొంతుకోసుకొని వీడియో చేస్తే సినిమాలో ఛాన్స్ వచ్చే అవకాశం ఉందని మారిముత్తుకు తన తమ్ముడు సలహా ఇచ్చాడట. దీంతో శుక్రవారం ఆఫీసు నుంచి ఇంటికి చేరుకున్న అతను తమ్ముడు చెప్పినట్లుగానే గదిలోకి వెళ్లి తలుపులు మూసుకొని గొంతు కోసుకున్నాడట. తెల్లవారి అతను ఎంతకీ తలుపు తీయకుంటే.. చుట్టుపక్కల వాళ్లు పోలీసులకు సమాచారం అందించారు. ఘటనాస్థలికి చేరుకున్న పోలీసులు తలుపులు బద్దలుకొట్టి మారిముత్తుని ఆస్పత్రికి తరలించారు. పెద్దగా గాయం కాకపోవడంతో అతను ప్రాణాలతో బయటపడ్డాడు. అయితే పోలీసులు ఈ పని ఎందుకు చేశావని ప్రశ్నించగా.. జరిగిన విషయాన్ని మొత్తం మారిమత్తు వివరించాడు. దీంతో అతనిపై పలు సెక్షన్ల కింద కేసు నమోదు చేసిన పోలీసులు అతన్ని అరెస్ట్ చేశారు. అతని తమ్ముడిని కూడా అరెస్ట్ చేసినట్లు సమాచారం.
from Telugu Movie News | Movie News in Telugu | Movie Gossips in Telugu https://ift.tt/2QweEDl
v
No comments:
Post a Comment