అలా వార్నింగ్ ఇచ్చి ఇలా కోరిక తీర్చుకుంది.. పంతం నెగ్గించుకున్న అనసూయ

గురించి ప్రత్యేకంగా పరిచయం అక్కర్లేదు. అటు బుల్లితెర ప్రేక్షకులను ఇటు వెండితెర ప్రేమికులనూ అనసూయ కట్టిపడేస్తుంటారు. బుల్లితెరను పూర్తిగా తన గ్లామర్ షో కోసం వాడుకుంటున్నట్టు కనిపిస్తుంది. ఇక సిల్వర్ స్క్రీన్ మీద మాత్రం అనసూయ తన ప్రతిభను ప్రదర్శింస్తుంటారు. ఆచితూచి కథలను ఎంచుకుంటూ తన పాత్రకు ప్రాధాన్యమున్నవాటినే సెలెక్ట్ చేసుకుంటారు. అలా తాజాగా అనసూయ ఓ ప్రతిష్టాత్మక ప్రాజెక్ట్‌లో భాగస్వామి అయ్యారు. అది కూడా వార్నింగ్ ఇచ్చి మరీ ఓ క్యారెక్టర్‌ను పట్టేశారు. అనసూయకు ఇంతటి క్రేజ్ ఫాలోయింగ్ రావడానికి కారణం రంగమ్మత్త పాత్ర. రంగస్థలం సినిమాలో అనసూయ పోషించిన ఈ పాత్రకు అందరూ ఫిదా అయ్యారు. అలా సుకుమార్ ఓ అద్బుతమైన పాత్రను అనసూయకు ఇచ్చారు. అయితే అల్లు అర్జున్‌తో సుకుమార్ చేస్తోన్న చిత్రంలోనూ అనసూయకు స్పెషల్ క్యారెక్టర్ ఉంటుందని ఆ మధ్య వార్తలు వచ్చాయి. అయితే అవేవీ నిజం కాదని చావు కబురు చల్లగా ఈవెంట్‌లో అనసూయ తేల్చి చెప్పేశారు. అక్కడే స్టేజ్ మీద మాట్లాడుతూ సుకుమార్‌కు వార్నింగ్ ఇచ్చేశారు. అందరూ నన్ను పుష్ప సినిమాలో పాత్ర గురించి అడుగుతున్నారు. నన్ను సంప్రదించలేదు.. ఆ చిత్రంలో నేను లేను అని చెప్పుకొంటూ వస్తున్నాను. కానీ నాకు బన్నీతో నటించే చాన్స్ కావాలి. ఆయనతో నటించాల్సిందే.. నాకు చాన్స్ ఇవ్వాల్సిందే అని స్టేజ్ మీద నుంచి బన్నీకి, సుక్కుకూ స్వీట్ వార్నింగ్ ఇచ్చేశారు. అలా అనసూయ నాడు ఇచ్చిన వార్నింగ్ బాగానే పని చేసినట్టు కనిపిస్తోంది. మొత్తానికి అనసూయ తన పంతాన్ని నెగ్గించుకున్నారు. మొత్తానికి పుష్ప సినిమాలో అనసూయకు అదిరిపోయే పాత్ర దక్కిందని టాక్. ఈ మేరకు నిన్ననే అనసూయ పాత్రకు సంబంధించిన సీన్స్‌ను హైద్రాబాద్‌లో షూట్ చేశారట. నేడు కూడా ఈ షూటింగ్ కంటిన్యూ అయినట్టుంది. ఈ క్రమంలో నిన్న అనసూయ సుకుమార్ వీడియోను షేర్ చేశారు. కళ్లు రోల్ చేస్తున్నాడంటూ ఓ వీడియోను షేర్ చేయడంతో పుష్ప సినిమాలో అనసూయ నటిస్తోందా? అనే అనుమానాలు వచ్చాయి. కానీ తాజాగా వాటికి అనసూయ క్లారిటీ ఇచ్చారు. పుష్ప సినిమాలో తాను నటిస్తోన్నట్టు పరోక్షంగా చెప్పేశారు. మంచి రోజులు ముందున్నాయి.. మళ్లీ పనిలోకి వచ్చినందుకు సంతోషంగా ఉంది.. సుకుమార్‌కి కృతజ్ఞురాలిని అంటూ అనసూయ ఓ ఫోటోను షేర్ చేశారు. తన లుక్ రివీల్ చేయకుండా పుష్ప సెట్‌లో అడుగుపెట్టిన ఓ పిక్‌ను తాజాగా అనసూయ షేర్ చేయడంతో అది వైరల్ అవుతోంది. మొత్తానికి బన్నీతో నటించాలనే అనసూయ కోరిక నెరవేరిందన్న మాట.

from Telugu Movie News | Movie News in Telugu | Movie Gossips in Telugu https://ift.tt/3n5iIXg
v