వకీల్ సాబ్‌కి వెళ్తే కరోనా రాదా? ఆ థియేటర్స్‌కి మాత్రమే మినహాయింపు ఎందుకు? ఏకిపారేసిన ప్రొఫెసర్ సాబ్

కరోనా సెకండ్ వేవ్ కట్టడి చర్యల్లో భాగంగా తెలంగాణ ప్రభుత్వం ఆంక్షల దిశగా ముందుకెళ్తోంది. కర్ఫ్యూ విధించడంతో పాటు విపత్తు నిర్వహణ చట్టం 2005 ప్రకారం.. జీవో జారీ చేసింది. దీని ప్రకారం సినిమా థియేటర్లలో రాత్రి 8 గంటల తర్వాత ప్రదర్శనలు నిలిపివేయాలి. సినిమా ప్రతి ప్రదర్శన తర్వాత సినిమా హాల్ ప్రాంగణం మొత్తాన్ని శానిటైజ్ చేయాల్సి ఉంటుంది. ఏప్రిల్ 20 నుంచి ఏప్రిల్ 30 వరకూ ఈ ఆంక్షలు అమల్లో ఉండనున్నట్లు జీవో విడుదల చేశారు. ఈ నేపథ్యంలో.. తెలంగాణ థియేటర్స్‌ ఓనర్స్‌ అసోసియేషన్‌ కీలక నిర్ణయం తీసుకుంది. ఈ నెల 21 నుంచి 30వ తేదీ వరకూ రాష్ట్రంలోని అన్ని సినిమా హాళ్లు, మల్టిపెక్స్‌లను మూసివేయాలని అసోసియేషన్ సభ్యులు నిర్ణయించారు. అయితే పవన్ కళ్యాణ్ ‘’ ఆడుతున్న థియేటర్స్‌కి మినహాయింపు ఇవ్వడం కొసమెరుపు. కరోనా వ్యాప్తి చెందకుండా థియేటర్స్ మూసేయాలనేది మంచి నిర్ణయమే. అయితే వకీల్ సాబ్ చిత్రానికి మినహాయింపు ఇవ్వడం ఏంటి?? అంటే.. కరోనా వకీల్ సాబ్ థియేటర్స్‌కి వెళ్లే వాళ్లకి రాదా?? అనే విమర్శలు వెల్లువెత్తుతున్నాయి. ఈ నేపథ్యంలో ఈ ఇష్యూకి సంబంధించి కీలక వ్యాఖ్యలు చేశారు . ఓ టీవీ ఛానల్ డిబేట్‌లో ఆయన మాట్లాడుతూ వకీల్ సాబ్‌‌కి వెళ్తే కరోనా రాదా? అంటూ ఏకిపారేశారు. ‘కోర్టులు కూడా కరోనాకి భయపడి ఆన్ లైన్‌లో తీర్పులు చెప్తున్నారు. ఇటు కోర్టులు అటు థియేటర్స్ క్లోజ్ చేసినా వకీల్ ఉంటున్నాడంటే.. ఏమని అర్థం చేసుకోవాలి? అంటే వకీల్ సాబ్ థియేటర్స్‌కి వెళ్తే కరోనా రాదు అని వీళ్లేమన్నా రీసెర్చ్ చేశారా?? పవన్ కళ్యాణ్ ముందుకి వైరస్ రాదా..? విచిత్రం ఏంటంటే... ఆ వకీల్ సాబ్‌కే కరోనా వచ్చింది.. పవన్ కళ్యాణ్‌కి కరోనా సోకినప్పుడు ఆ సినిమా చూసిన ప్రేక్షకులకు కరోనా సోకదా?? ఏ లాజిక్ ప్రకారం వకీల్ సాబ్‌కి మినహాయింపు ఇచ్చారు.. ఒకవేళ మినహాయింపు ఇస్తే.. అన్ని థియేటర్స్‌కి మినహాయింపు ఇవ్వాలి.. అన్ని సినిమాలు ఆడించాలి.. కానీ వకీల్ సాబ్‌కి అంత స్పెషాలిటీ దేనికో చెప్పాలి. ఇంకా చెప్పాలంటే మిగిలిన అన్ని సినిమాలకంటే వకీల్ సాబ్ థియేటర్స్‌కి వెళ్లిన వాళ్లకే వైరస్ వేగంగా సోకే ప్రమాదం ఉంది. ఎందుకంటే ఎక్కడా సినిమాలు లేకుండా ఆ ఒక్క సినిమా మాత్రమే ఆడితే ఏమౌతుంది.. ప్రేక్షకులంతా ఆ సినిమాకే వెళ్తారు. ఎమ్మెల్యే సాబ్.. డాక్టర్ సాబ్.. ఇంజనీర్ సాబ్‌లను చూడాలనుకునేవాళ్లు కూడా వాళ్ల సినిమాలు లేవు కాబట్టి వకీల్ సాబ్‌కే వస్తారు. అంటే అర్థం ఏంటి.. విపరీతంగా జనం పెరిగిపోతారు.. ఆ థియేటర్స్ సూపర్ స్పైడర్స్‌గా మారవా? అయితే ఇక్కడ ఒక వాదన ఉంది.. ఇది ప్రభుత్వం విధించిన ఆంక్షలు కాదు.. ప్రభుత్వం వకీల్ సాబ్‌కి మినహాయింపు ఇవ్వలేదు. ఇప్పటి వరకూ ఏ థియేటర్ పైన ప్రభుత్వం ఆంక్షలు పెట్టలేదు. ఇది సినిమా థియేటర్స్ యజమానులు తీసుకున్న నిర్ణయం. మనం చాలా ఏళ్లుగా వింటూనే ఉన్నాం.. సినిమా ఇండస్ట్రీపై ఇద్దరు ముగ్గురు వ్యక్తులు వాళ్ల కుటుంబాల ఆదిపత్యం ఉందని. ప్రొడక్షన్స్, థియేటర్స్, డిస్ట్రిబ్యూషన్ ఇవన్నీ వాళ్ల చేతుల్లోనే ఉంటాయనే ఆరోపణ ఉంది. అయితే ఇప్పుడు వకీల్ సాబ్‌కి మినహాయింపు ఇవ్వడం ద్వారా ఆ ఆరోపణ నిజమైంది. అంటే వేరే నిర్మాతలు.. ఇతర హీరోలు వాళ్ల సినిమాలు ఆడకపోయిన పర్లేదు.. నష్టాలు వచ్చినా పర్లేదు.. కానీ వకీల్ సాబ్‌కి మాత్రం డబ్బులు రావాలనే లాజిక్ ఏ రకంగా కరెక్ట్ అవుతుంది. ఇది భారీ బడ్జెట్‌తో తీసిన సినిమా కాబట్టి నిర్మాతలకు నష్ట రాకూడదు.. మిగతా నిర్మాతలు నష్టపోయినా పర్లేదు అనుకోవడం ఎంత వరకూ కరెక్ట్. లవ్ స్టోరీస్‌తో పాటు చాలా సినిమాలు రిలీజ్ చేయకుండా వాయిదా వేసుకున్నారు. వకీల్ సాబ్ రిలీజ్ సందర్భంలో కూడా వాయిదా వేసుకోవాలనే డిమాండ్ వినిపించింది. కానీ దాన్ని పట్టించుకోలేదు. తిరుపతి ఉప ఎన్నిక ఉంది కనుక.. ఆ ఎన్నికకు ముందు ఈ సినిమా విడుదల కావాలి.. అనే ఆలోచనతోనే ఈ సినిమా విడుదల చేశారనే ఆరోపణ కూడా వచ్చింది. ఇతర హీరోలు, నిర్మాతలు, డిస్ట్రిబ్యూటర్లకు లేని ప్రత్యేకత వకీల్ సాబ్‌కి ఎందుకో అన్నది అర్థం కాని పరిస్థితి’ అంటూ వకీల్ సాబ్‌పై కీలక వ్యాఖ్యలు చేశారు ప్రొఫెసర్ సాబ్ నాగేశ్వర్.

from Telugu Movie News | Movie News in Telugu | Movie Gossips in Telugu https://ift.tt/3atX0qE
v