విలక్షణమైన పాత్రలు పోషిస్తూ నటుడిగా తనకంటూ ప్రత్యేక గుర్తింపు సంపాదించుకున్నారు రానా దగ్గుబాటి. కేవలం తెలుగులోనే కాకుండా ఇతర భాషల్లోనూ నటిస్తూ.. బాలీవుడ్లోనే సొంత మార్గెట్ను ఏర్పాటు చేసుకున్నాడు. తాజాగా ‘’ అనే చిత్రంతో ప్రేక్షకుల ముందుకు వస్తున్నాడు రానా. టీజర్, ట్రైలర్లతో సినిమాపై అంచనాలు పెంచేసిన రానా ‘అరణ్య’ మూవీ తెలుగు, తమిళం, హిందీ భాషల్లో మార్చి 26న ప్రపంచ వ్యాప్తంగా విడుదల కానుంది. అయితే విడుదలకు ముందే రానాకి గట్టి ఎదురుదెబ్బ తగిలింది. ఈరోస్ ఇంటర్నేషనల్ సంస్థ ప్రతిష్టాత్మకంగా నిర్మించిన ఈ చిత్రం పాన్ ఇండియా సినిమా విడుదల కావాల్సి ఉండగా.. ‘అరణ్య’ హిందీ వెర్షన్ విడుదల కావడం లేదు. ఈ విషయాన్ని అధికారికంగా ప్రకటిస్తూ.. ‘ప్రేక్షకులతో ఈ వార్తను పంచుకోవడం బాధాకరం. కొవిడ్19 మరోసారి విజృంభిస్తున్న తరుణంలో ‘హాథీ మేరీ సాథీ’ (అరణ్య హిందీ వెర్షన్) విడుదల వాయిదా వేయాలని నిర్ణయించాం. తర్వాతి అప్డేట్ గురించి త్వరలోనే ప్రకటిస్తాం. తెలుగులో ‘అరణ్య’, తమిళంలో ‘కాదన్’ యథావిధిగా మార్చి 26న విడుదలవుతాయి’ అని ప్రకటనలో తెలిపింది నిర్మాణ సంస్థ. ‘ప్రేమఖైదీ’, ‘గజరాజు’, ‘రైలు’ వంటి సినిమాలతో తెలుగు ప్రేక్షకులను ఆకట్టుకున్న తమిళ దర్శకుడు ప్రభు సాల్మన్ ఈ చిత్రానికి దర్శకత్వం వహించగా.. విష్ణు విశాల్, జోయా హుస్సేన్, శ్రీయా పింగోల్కర్ కీలక పాత్రలు పోషించారు. హిందీలో హాథీమేరేసాథీ, తమిళంలో ‘కాదన్’, తెలుగులో ‘అరణ్య’ పేరుతో తెరెక్కింది ఈ చిత్రం.
from Telugu Movie News | Movie News in Telugu | Movie Gossips in Telugu https://ift.tt/3cbJrxi
v
No comments:
Post a Comment