సమంత, దేవ్ మోహన్ హీరోహీరోయిన్లుగా గుణశేఖర్ దర్శకత్వంలో రూపొందుతోన్న మైథలాజికల్ మూవీ ‘శాకుంతలం’ సోమవారం హైదరాబాద్లో ప్రారంభమైంది. అన్నపూర్ణ స్టూడియోలో ప్రత్యేకంగా వేసిన ‘శాకుంతలం’ సెట్లో చిత్ర ప్రారంభోత్సవ కార్యక్రమాన్ని ఘనంగా జరిపారు. ఈ కార్యక్రమంలో ప్రముఖ నిర్మాతలు దిల్ రాజు, అల్లు అరవింద్, సమంత, దేవ్ మోహన్, గుణశేఖర్, నీలిమ గుణ, దిల్ రాజు కుమార్తె హర్షిత రెడ్డి పాల్గొన్నారు. ఈ చిత్రాన్ని దిల్ రాజు సమర్పిస్తుండగా.. గుణశేఖర్ కుమార్తె నీలిమ గుణ నిర్మిస్తున్నారు. ‘శాకుంతలం’ ద్వారా నీలిమ నిర్మాతగా పరిచయం అవుతున్నారు. ‘శాకుంతలం’ ప్రారంభోత్సవం అనంతరం చిత్ర యూనిట్ పాత్రికేయులతో మాట్లాడారు. ఈ సందర్భంగా సమంత అక్కినేని మాట్లాడుతూ.. ‘‘నాకు ఎప్పుడూ ఓ చిన్న బాధ ఉండేది. నేను కొన్ని పాత్రలు పోషించలేనేమోనని అనుకున్నాను. రొమాంటిక్, విలన్, యాక్షన్ ఇలా అన్ని పాత్రలూ చేశాను. కానీ నా డ్రీమ్ రోల్ అంటే పీరియాడికల్ రోల్, రాజకుమారి పాత్రలు చేయలేదు. ఇప్పటికీ నేను ఖాళీగా ఉంటే డిస్నీ సినిమాలు చూస్తుంటాను. నా కెరీర్లో ఇలాంటి సమయంలో ఈ పాత్ర ఇవ్వడం మరిచిపోలేని గొప్ప బహుమతి. దిల్ రాజు గారు, గుణశేఖర్ గారు అద్భుతమైన అవకాశాన్ని ఇచ్చారు. వంద శాతం నేను చేయాల్సింది చేస్తాను. గుణశేఖర్ గారు ప్రతీ సీన్ను అద్భుతంగా చెప్పారు. రిఫరెన్సెస్ అడిగితే లేవని నీలిమ చెప్పింది. అంతా దర్శకుడి మైండ్లోనే ఉందని అన్నారు. ఈ పాత్రను పోషించడం ఎంతో ఆనందంగా ఉంది. ఈ సినిమా బడ్జెట్ నా రేంజ్ను మించి ఉంది. అయినా సరే నేను నా ప్రయత్నం చేస్తాను’’ అని అన్నారు. కాగా, ఈ చిత్రానికి మణిశర్మ సంగీతం సమకూరుస్తున్నారు. శేఖర్ వి జోసెఫ్ సినిమాటోగ్రఫి అందిస్తున్నారు. ప్రవీణ్ పూడి ఎడిటర్. నీతా లుల్లా కాస్ట్యూమ్ డిజైనర్. సాయి మాధవ్ బుర్రా డైలాగులు రాస్తున్నారు. చైతన్య ప్రసాద్, శ్రీమణి సాహిత్యం అందిస్తున్నారు. రాజు సుందరం కొరియోగ్రాఫర్. అలగర్ సమీ వీఎఫ్ఎక్స్ సూపర్వైజర్, వెంకట్ స్టంట్ కొరియోగ్రాఫర్, బిస్వదీప్ చటర్జీ సౌండ్ డిజైనర్. ఇలా అత్యుత్తమ సాంకేతిక నిపుణులతో భారీ బడ్జెట్తో ‘శాకుంతలం’ తెరకెక్కుతోంది.
from Telugu Movie News | Movie News in Telugu | Movie Gossips in Telugu https://ift.tt/3vt8FPg
v
No comments:
Post a Comment