క్రియేటివ్ డైరెక్టర్ సుకుమార్ తెరకెక్కిస్తున్న ‘పుష్ప’ సినిమాతో గత కొన్ని రోజులుగా చాలా బిజీగా ఉన్నారు స్టైలిష్ స్టార్ అల్లు అర్జున్. చిన్న విరామం కూడా తీసుకోకుండా మారేడుపల్లి, టెన్ కాశీ లాంటి ప్రదేశాల్లో నిర్విరామంగా జరిగిన షెడ్యూల్స్లో ఆయన పాల్గొన్నారు. ఈ బిజీలో బన్నీ ‘ఉప్పెన’ సినిమా చూడలేకపోయారు. ఫిబ్రవరి 12న విడుదలైన ఈ చిత్రం సంచలన విజయం సాధించిన విషయం తెలిసిందే. ఈ మధ్య కాలంలో ఎవరి నోట విన్నా ‘ఉప్పెన’ గురించే చర్చ జరుగుతుంది. అయితే, తాజాగా తమిళనాడు షెడ్యూల్ పూర్తి కావడంతో హైదరాబాద్ వచ్చిన అల్లు అర్జున్కు ‘పుష్ప’ నిర్మాతలు రామానాయుడు స్టూడియోస్లో ‘ఉప్పెన’ స్పెషల్ షో వేశారు. షూటింగ్ బ్రేక్లో ఈ సినిమా చూసిన అల్లు అర్జున్.. చిత్ర యూనిట్పై ప్రశంసల వర్షం కురిపించారు. నటీనటులు, సాంకేతిక నిపుణుల పనితీరును మెచ్చుకున్నారు. ముఖ్యంగా హీరో వైష్ణవ్ తేజ్ పర్ఫార్మెన్స్ గురించి ప్రశంసించారు. తొలి సినిమాతోనే అద్భుతమైన నటుడిగా గుర్తింపు తెచ్చుకున్నాడని పొగిడారు. అద్భుతమైన డెబ్యూ దొరికింది అని తెలిపారు అల్లు అర్జున్. అలాగే హీరోయిన్ కృతి శెట్టి, విజయ్ సేతుపతి నటన గురించి ప్రశంసించారు. ఒక సున్నితమైన పాయింట్ తీసుకొని అద్భుతంగా తెరకెక్కించిన దర్శకుడు బుచ్చిబాబు పనితీరు గురించి ప్రత్యేకంగా ప్రశంసించారు. మైత్రీ మూవీ మేకర్స్ నిర్మాణ సంస్థను పొగడ్తల్లో ముంచెత్తారు బన్నీ. ‘‘ఏ నిర్మాత అయినా రిస్క్ లేని కథలు చేయాలనుకుంటారు.. కానీ రిస్కు ఉంది అని తెలిసినా కథను నమ్మి మైత్రీ మూవీ మేకర్స్ నిర్మించిన ‘ఉప్పెన’ సినిమా.. కథలపై వాళ్లకున్న నమ్మకాన్ని, ధైర్యాన్ని తెలియజేస్తుంది’’ అని అన్నారు అల్లు అర్జున్. మొత్తంగా ‘ఉప్పెన’ సినిమా తనకు చాలా బాగా నచ్చిందని.. ఇలాంటి అద్భుతమైన సినిమాలు మరిన్ని రావాలని మనస్ఫూర్తిగా కోరుకుంటున్నట్లు తెలిపారు స్టైలిష్ స్టార్. ప్రస్తుతం మైత్రీ మూవీ మేకర్స్ నిర్మాణంలోనే ‘పుష్ప’ సినిమా చేస్తున్నారు అల్లు అర్జున్. ఆయనకు జంటగా రష్మిక మందన నటిస్తున్నారు. దేవిశ్రీ ప్రసాద్ సంగీతం సమకూరుస్తున్న ఈ చిత్రం ఎర్రచందన దుంగల స్మగ్లింగ్ నేపథ్యంలో సాగుతుంది. ఇప్పటి వరకు చేయని వైవిధ్యమైన పాత్రను ఈ సినిమాలో బన్నీ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3c4Ercu
v
No comments:
Post a Comment