నవీన్ పోలిశెట్టి, రాహుల్ రామకృష్ణ, ప్రియదర్శి టైటిల్ రోల్స్ పోషించిన చిత్రం ‘జాతిరత్నాలు’. కామెడీ క్యాపర్గా రూపొందిన ఈ చిత్రానికి అనుదీప్ కె.వి. దర్శకత్వం వహించారు. స్వప్న సినిమా బ్యానర్పై నాగ్ అశ్విన్ నిర్మిస్తున్న ఈ సినిమాలో ఫరియా అబ్దుల్లా హీరోయిన్గా నటించారు. గురువారం ‘జాతిరత్నాలు’ ట్రైలర్ను ప్యాన్ ఇండియా స్టార్ ప్రభాస్ ముంబైలో లాంచ్ చేశారు. ఈ ట్రైలర్ చాలా ఆసక్తికరంగా ఉంది. ఇదివరకు టీజర్ చూసినప్పుడు ఈ సినిమా కథ రూ. 500 కోట్ల చుట్టూ తిరుగుతుందని అర్థమైంది. ట్రైలర్ అయితే మొదలైన దగ్గర్నుంచీ ముగిసే దాకా నవ్విస్తూనే ఉంది. దీన్ని బట్టి ప్రేక్షకులు థియేటర్లలో పొట్టచెక్కలయ్యేలా నవ్వడం ఖాయంగా కనిపిస్తోంది. ఈ సినిమాలో శ్రీకాంత్ (నవీన్), శేఖర్ (ప్రియదర్శి), రవి (రాహుల్ రామకృష్ణ) ముగ్గురు ఫ్రెండ్స్ అని ఇదివరకు టీజర్ ద్వారానే మనం తెలుసుకున్నాం. శ్రీకాంత్కు ఓ లవ్ స్టోరీ కూడా ఉంది. హీరోయిన్ను పటాయించడానికి మనోడు ఎన్ని వేషాలు వేస్తాడో ట్రైలర్ చూపించింది. బీటెక్ చదివిన అతను ‘శ్రింగార్ లేడీస్ ఎంపోరియం’ నడుపుతుంటాడు. ఎంతో జోవియల్గా ఉండే ఆ ముగ్గురు ఫ్రెండ్స్ చంచల్గూడ జైలుకు ఖైదీలుగా ఎందుకు వెళ్లాల్సి వచ్చిందనేది ఆసక్తికరం. జైలులో ఈ ముగ్గురు ఫ్రెండ్స్కి వెన్నెల కిశోర్ కూడా తోడవుతాడు. ఇక నవ్వులకు కొదవ ఉంటుందా! చివరలో జడ్జిగా కనిపించిన బ్రహ్మానందం ట్రైలర్కు మరో ప్రత్యేక ఆకర్షణ. ‘మీ తరఫున వాదించడానికి ఎవరైనా ఉన్నారా?’ అని బ్రహ్మి అడిగితే.. బోనుమీద చేత్తో గట్టిగా కొడ్తూ నవీన్ సీరియస్గా, ‘మా కేస్ మేమే వాదించుకుంటాం యువరానర్’ అని చెప్తాడు. దాంతో బ్రహ్మానందం.. ‘తీర్పు కూడా మీరే ఇచ్చుకోండ్రా’.. అని తన బంట్రోతుతో ‘రేయ్.. మనమెందుకిక్కడ? వెళ్లిపోదాం పద’ అని కుర్చీలోనుంచి లేచిపోయి ట్విస్ట్ ఇచ్చారు బ్రహ్మీ. మొత్తం మీద అల్టిమేట్ ఫన్తో ట్రైలర్ ఆసక్తికరంగా ఉంది. ఈ సినిమాకు రథన్ బ్యాగ్రౌండ్ మ్యూజిక్, సిద్ధం మనోహర్ సినిమాటోగ్రఫీ అందించారు. మురళీ శర్మ, నరేష్ వీకే, బ్రహ్మాజీ, తనికెళ్ల భరణి, వెన్నెల కిశోర్ ఇతర ముఖ్య పాత్రలు పోషించిన ఈ చిత్రం మార్చి 11న థియేటర్లలో విడుదలకానుంది.
from Telugu Movie News | Movie News in Telugu | Movie Gossips in Telugu https://ift.tt/3uUh2n2
v
No comments:
Post a Comment