మొండిగా నిర్ణయం తీసుకున్నాను.. ఇప్పుడు గర్వంగా ఉంది: సాగర్ ఆర్కే నాయుడు

‘మొగలిరేకులు’ సీరియల్‌లో ఆర్కే నాయుడు అనే పోలీస్ క్యారెక్టర్ ద్వారా తెలుగు రాష్ట్రాల్లో పాపులర్ అయిన నటుడు వీర్ సాగర్.. ఆ తరవాత సీరియల్స్ వదిలిపెట్టి సినిమాల్లోకి అడుగుపెట్టారు. మొదట క్యారెక్టర్ ఆర్టిస్ట్‌గా కొన్ని సినిమాల్లో నటించారు. హీరోగా మారి ‘సిద్ధార్థ’ సినిమాతో 2016లో ప్రేక్షకుల ముందుకు వచ్చారు. కానీ, ఈ సినిమా సాగర్‌ను హీరోగా నిలబెట్టలేకపోయింది. ఇక ఆ తరవాత మళ్లీ సాగర్ ప్రేక్షకులకు కనిపించలేదు. సుధీర్ఘ విరామం తర్వాత ఇప్పుడు ‘షాదీ ముబారక్’ ద్వారా సాగర్ రీలాంచ్ అవుతున్నారు. వీర్‌ సాగర్‌, దృశ్యా రఘునాథ్‌ హీరో హీరోయిన్లుగా నటించిన ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై దిల్‌ రాజు, శిరీష్ నిర్మించడం విశేషం. నిజానికి ఈ సినిమాను దిల్ రాజు మొదలుపెట్టలేదు.. సాగర్, ఆయన స్నేహితులు కలిసి ప్రారంభించిన ఈ సినిమాను మధ్యలో దిల్ రాజు తీసుకున్నారు. పద్మశ్రీ దర్శకత్వం వహించిన ‘షాదీ ముబారక్‌’ మార్చి 5న విడుద‌లవుతుంది. ఈ నేపథ్యంలో చిత్ర ప్రచారంలో భాగంగా బుధవారం ఈ సినిమా ప్రీ రిలీజ్ ఈవెంట్‌ను హైదరాబాద్‌లో నిర్మించారు. ఈ కార్యక్రమంలో వీర్ సాగర్, దిల్ రాజు, దృశ్యా రఘునాథ్‌, పద్మశ్రీ, హేమ, భద్రం, హేమంత్ తదితరులు పాల్గొన్నారు. ఈ సందర్భంగా వీర్ సాగర్ మాట్లాడుతూ.. ‘సిద్ధార్థ’ తరవాత ఏం చేద్దాం అని ఆలోచిస్తున్న సమయంలో పద్మశ్రీ చెప్పిన స్క్రిప్ట్ నచ్చి తన స్నేహితులతో కలిసి ఈ సినిమాను ప్రారంభిచానని చెప్పారు. ఈ సినిమాను రూపొందించడానికి తన స్నేహితులు తనకు ఎంతో ప్రోత్సాహమిచ్చారన్నారు. సినిమా ప్రారంభించడం ఈజీగా అనిపించినా దాన్ని ఎలా ముందుకు తీసుకెళ్లాలో తెలియలేదన్నారు. తనకు యాక్టింగ్ మాత్రమే తెలుసని.. డబ్బులు పెట్టిన ఉన్న తన స్నేహితులు ముగ్గురికీ అసలు ఏం తెలీదని వెల్లడించారు. తన కోసం ఈ ప్రాజెక్ట్‌లోకి వచ్చారన్నారు. దీంతో తనపై ఎక్కువ బాధ్యత పడిందన్నారు. ఈ సినిమాను ఎలా ముందుకు తీసుకెళ్లాలనే భయం తనకు ఉండేదని.. అలాంటి సమయంలో తమ ప్రాజెక్ట్‌లోకి దిల్ రాజు వచ్చారని సాగర్ అన్నారు. ‘‘రాజన్న మాటల్లో చెప్పలేను.. ‘షాదీ ముబారక్’ మీరు చేసిన సినిమాల్లో ఒక సినిమా. మాకు మాత్రం ఇదే జీవితం. మేం దిల్ రాజు గారి మూవీ చేస్తున్నాం అని గర్వంగా చెబుతాం’’ అని సాగర్ ఎమోషనల్‌గా చెప్పారు. సీరియల్స్ వదిలేసినప్పుడు అది రైటా రాంగా అని ఆలోచించకుండా మొండిగా నిర్ణయం తీసుకున్నానని.. కానీ తాను తీసుకున్న నిర్ణయం కరెక్ట్ అని దిల్ రాజు ద్వారా తాను నమ్ముతున్నానని సాగర్ వెల్లడించారు. దిల్ రాజు లేకపోతే ఈ సినిమా లేదని అన్నారు.

from Telugu Movie News | Movie News in Telugu | Movie Gossips in Telugu https://ift.tt/3rcXLuA
v