రన్నింగ్ బస్‌లో వేలాడుతూ లిప్ లాక్.. బాబు బాగా ‘రొమాంటిక్’

డాషింగ్ డైరెక్టర్ పూరి జగన్నాథ్ తన కుమారుడు ఆకాష్ పూరీని ‘మెహబూబా’ సినిమాతో గ్రాండ్‌గా లాంచ్ చేశారు. ఈ సినిమాకు తానే దర్శకుడిగా, నిర్మాతగా వ్యవహరించారు. అయితే, ఈ సినిమా బాక్సాఫీసు వద్ద బోల్తా కొట్టింది. దీంతో మరో ఆసక్తికర మూవీతో ఆకాష్‌ను ప్రేక్షకుల ముందుకు తీసుకొస్తున్నారు పూరి. దీనికి ‘రొమాంటిక్’ అనే టైటిల్ పెట్టారు. ఢిల్లీ బ్యూటీ కేతికా శర్మ ఈ సినిమా ద్వారా టాలీవుడ్‌కు పరిచయమవుతోంది. ‘రొమాంటిక్’ మూవీకి పూరి జ‌గన్నాథ్ క‌థ‌, స్క్రీన్‌ప్లే, డైలాగ్స్ స‌మ‌కూర్చారు. ఈ సినిమా ద్వారా ఆయ‌న శిష్యుడు అనిల్ పాదూరి డైరెక్టర్‌గా ప‌రిచ‌య‌మ‌వుతున్నారు. ‘ఇస్మార్ట్ శంక‌ర్’ లాంటి బ్లాక్‌బ‌స్టర్ మూవీ త‌ర్వాత పూరి జ‌గ‌న్నాథ్ టూరింగ్ టాకీస్‌, పూరి క‌నెక్ట్స్ బ్యాన‌ర్లపై పూరి జ‌గ‌న్నాథ్‌, ఛార్మీ కౌర్ సంయుక్తంగా నిర్మిస్తున్న చిత్రమిది. ‘రొమాంటిక్’ విడుదల తేదీని సోమ‌వారం ప్రకటించారు. ప్రపంచ‌వ్యాప్తంగా జూన్ 18న ఈ చిత్రాన్ని విడుద‌ల చేయ‌నున్నారు. రిలీజ్ డేట్ పోస్టర్‌లో టైటిల్‌కు న్యాయం చేస్తూ.. న‌డుస్తున్న బ‌స్ డోర్ ద‌గ్గర‌ హీరోయిన్ కేతికా శ‌ర్మను ఆకాష్ లిప్ లాక్ చేస్తుండ‌టం ఆస‌క్తిని రేకెత్తిస్తోంది. దీన్ని బట్టి సినిమా ఎంత రొమాంటిక్‌గా ఉండబోతోందో అర్థమవుతోంది. నిజానికి ఫస్ట్ లుక్‌తోనే ఈ సినిమా ఎంత రొమాంటిక్ ఉండబోతుందో చెప్పేశారు. టాప్‌లెస్‌గా ఉన్న హీరోయిన్‌ను హీరో గాఢంగా కౌగిలించుకునే పోజ్‌తో ఫస్ట్‌లుక్ పోస్టర్‌ను వదిలారు. ఆ తర్వాత ‘నువ్వే నువ్వే ఈ క్షణం’ అనే పాటను విడుదల చేశారు. ఈ పాటలో బీచ్ వద్ద ఆకాష్, కేతిక రొమాన్స్ పీక్స్. ఈ పాట కుర్రకారును బాగా ఆకట్టేసుకుంది. ముఖ్యంగా కేతిక అందాలు యువతను చూపుతిప్పుకోనివ్వలేదు. ఆ తర్వాత ‘నా వల్ల కాదే’ అనే పాటను విడుదల చేశారు. ఇందులో ప్రియుడిగా ఆకాష్ ఆవేదనను చూపించారు. ఇక ఇప్పుడు విడుదల తేదినీ ప్రకటిస్తూ ఒక ‘రొమాంటిక్’ పోస్టర్‌ను వదిలారు. ఈ పోస్టర్‌లో లిప్ లాక్ చూస్తుంటే ఆకాష్ బాగా ‘రొమాంటిక్’ అనిపిస్తోంది. మొత్తం మీద ఆకాష్ ప్రేమ రొమాన్స్‌కు మాత్రమే పరిమితమైందా? అంతకు మించి అందమైనదా? తెలియాలంటే జూన్ 18 వరకు ఆగాల్సిందే. కాగా, ఈ సినిమాలో సీనియర్ నటి రమ్యకృష్ణ ముఖ్య పాత్రలో నటించారు. ఆమె రోల్ చాలా పవర్‌ఫుల్‌గా ఉండబోతోందని చిత్ర యూనిట్ చెబుతోంది. ఈ ఇంటెన్స్ రొమాంటిక్ ఎంట‌ర్‌టైన‌ర్‌‌కు సునీల్ క‌శ్యప్ సంగీతం స‌మ‌కూర్చగా.. న‌రేష్ సినిమాటోగ్రఫీ అందించారు. ఇంకా ఈ సినిమాలో మ‌క‌రంద్ దేశ్‌పాండే, ఉత్తేజ్‌, సున‌య‌న‌ ముఖ్య పాత్రలు పోషించారు.

from Telugu Movie News | Movie News in Telugu | Movie Gossips in Telugu https://ift.tt/3bR6Naa
v