ఎప్పుడూ ఎవరో ఒకరి మీద వివాదాస్పద వ్యాఖ్యలు చేస్తూ వార్తల్లో ఉండే నటి మరోసారి అందరి దృష్టిని తనవైపు తిప్పుకునే ప్రయత్నం చేస్తున్నారు. ఆమె కొత్త సినిమాను గురువారం ప్రకటించారు. ఇది అందరినీ ఆశ్చర్యానికి గురిచేసే ప్రకటన. ఎందుకంటే, ఈ సినిమా దివంగత నటి సిల్క్ స్మిత బయోపిక్. టైటిల్ రోల్ను శ్రీరెడ్డి పోషించబోతున్నారు. తాను సిల్క్ స్మిత బయోపిక్లో నటించబోతున్నట్టు తెలియజేస్తూ ఫేస్బుక్లో ఒక వీడియో పోస్ట్ చేశారు శ్రీరెడ్డి. ‘‘ఈరోజు మీకొక శుభవార్త చెప్పబోతున్నాను. ఇది నాకు కూడా శుభవార్తే. ఇది నాకొక గొప్ప అవకాశం. గడిచిన నాలుగైదు రోజులుగా నేను సోషల్ మీడియాలో కొన్ని పోస్టులు పెట్టాను. ఒక శుభవార్త చెప్పబోతున్నానని తెలియజేశాను. దాన్ని ఈ రోజు రివీల్ చేస్తున్నాను. అదేంటంటే.. నేను బయోపిక్ చేయబోతున్నాను. దిగ్గజ నటి, గ్లామరస్ యాక్ట్రెస్, సో హాట్.. ఆమె గురించి చెప్పడానికి ఒక్క పదం సరిపోదు, ఆమె ఎవరో కాదు సిల్క్ స్మిత మేడమ్ బయోపిక్. ఈ సినిమాకు మధు గారు దర్శకత్వం వహిస్తున్నారు. ఈ సినిమాను తెలుగు, తమిళ భాషల్లో ద్విభాషా చిత్రంగా రూపొందిస్తున్నాం. మిగిలిన వివరాలు తరవాత వీడియోలు వెల్లడిస్తాను. మీ ఆశీర్వాదాలు నాపై ఉండాలని కోరుకుంటున్నాను’’ అని శ్రీరెడ్డి తన వీడియోలో పేర్కొన్నారు. అంతేకాదు, ఇదే వీడియోలో దర్శకుడు మధును కూడా పరిచయం చేశారు. తన ఉద్యమం తరవాత తాను ప్రకటించిన తొలి ద్విభాషా చిత్రం ఇదేనని శ్రీరెడ్డి చెప్పారు. శ్రీరెడ్డి ఇప్పటికే కొన్ని తెలుగు, తమిళ చిత్రాల్లో నటించారు. తెలుగులో ఆ మధ్య ‘క్లైమాక్స్’ అనే సినిమాలో శ్రీరెడ్డి కనిపించింది. తరవాత మళ్లీ మరో సినిమాలో నటించిన దాఖలాలు లేవు. ఇప్పుడు ఏకంగా ప్రధాన పాత్రలో అది కూడా సిల్క్ స్మిత బయోపిక్లో నటిస్తోంది.
from Telugu Movie News | Movie News in Telugu | Movie Gossips in Telugu https://ift.tt/2Z5jBnB
v
No comments:
Post a Comment