ప్రముఖ యాంకర్ ప్రదీప్ మాచిరాజు ‘30 రోజుల్లో ప్రేమించటం ఎలా’ అనే రొమాంటిక్ ఎంటర్టైనర్తో హీరోగా పరిచయం అవుతున్న సంగతి తెలిసిందే. ప్రముఖ దర్శకుడు సుకుమార్ దగ్గర ‘ఆర్య 2’, ‘1.. నేనొక్కడినే’ చిత్రాలకు పనిచేసిన మున్నా ఈ సినిమాకు దర్శకత్వం వహించారు. ప్రదీప్ సరసన నాయికగా అమృతా అయ్యర్ నటించారు. గతేడాది ప్రారంభమైన ఈ చిత్రం కరోనా మహమ్మారి కారణంగా విడుదలకు నోచుకోలేదు. లాక్డౌన్ వల్ల థియేటర్లు మూతబడటంతో సినిమా ల్యాబ్లోనే ఉండిపోయింది. మరోవైపు, ఓటీటీ ఆఫర్లు వచ్చినా నిర్మాతలు వద్దనకున్నారు. థియేటర్లలోనే విడుదల చేయాలని నిర్ణయించకున్నారు. దీనికి కారణం సినిమాలోని కంటెంట్పై వాళ్లకు ఉన్న నమ్మకం. ఇప్పుడు థియేటర్లు తెరుచుకోవడం.. ప్రేక్షకులు సినిమాలు చూడటానికి థియేటర్లకు వస్తుండటంతో ‘30 రోజుల్లో ప్రేమించటం ఎలా’ సినిమాను కూడా ప్రేక్షకుల ముందుకు తీసుకురావాలని నిర్మాతలు నిర్ణయించారు. ఈనెల 29న ప్రదీప్ సినిమా ప్రపంచ వ్యాప్తంగా విడుదల కాబోతోంది. ఈ మేరకు సినిమా విడుదల తేదీని ప్రకటిస్తూ కొత్త పోస్టర్ను విడుదల చేసింది చిత్ర బృందం. అనూప్ రూబెన్స్ సంగీతం సమకూర్చిన ఈ చిత్రానికి సంబంధించి నిర్మాతలు ఇప్పటి వరకూ మూడు పాటలను విడుదల చేశారు. మూడింటికీ అద్భుతమైన స్పందన లభించింది. ప్రత్యేకించి సిధ్ శ్రీరామ్ ఆలపించిన ‘నీలి నీలి ఆకాశం’ పాట సంగీత ప్రియులను అమితంగా అలరించింది. యూట్యూబ్లో ఈ పాట ఇప్పటివరకూ 218 మిలియన్ వ్యూస్ సాధించడం విశేషం. ఈ చిత్రంలో పాటలన్నింటినీ చంద్రబోస్ రాశారు. ‘నీలి నీలి ఆకాశం’ పాట ఎలాగైతే ఆకట్టుకుందో, సినిమా కూడా ప్రేక్షకుల్ని అలాగే అలరిస్తుందని నిర్మాతలు ఆశాభావం వ్యక్తం చేస్తున్నారు. కన్నడలో పలు విజయవంతమైన చిత్రాలను నిర్మించిన ఎస్.వి.బాబు ఈ చిత్రాన్ని ఎస్.వి. ప్రొడక్షన్స్ బ్యానర్పై నిర్మించారు. దాశరథి శివేంద్ర సినిమాటోగ్రాఫర్గా, కార్తీక్ శ్రీనివాస్ ఎడిటర్గా పనిచేశారు. శివన్నారాయణ, హేమ, పోసాని కృష్ణమురళి, శుభలేఖ సుధాకర్, వైవా హర్ష, హైపర్ ఆది, ఆటో రామ్ప్రసాద్, భద్రం, జబర్దస్త్ మహేష్ ఇతర తారాగణం.
from Telugu Movie News | Movie News in Telugu | Movie Gossips in Telugu https://ift.tt/3i1l2vP
v
No comments:
Post a Comment