దర్శకేంద్రుడు సరికొత్త ప్రయోగం చేస్తూ వెండితెరపై హీరోగా కనిపించనున్న సంగతి తెలిసిందే. శతాధిక చిత్రాలతో ఇన్నాళ్లు తెర వెనుక చక్రం తిప్పిన ఆయన ఇప్పుడు తెరపై కూడా టాలెంట్ చూపించనున్నారట. ప్రముఖ రచయిత, నటుడు తనికెళ్ల భరణి దీనికి దర్శకత్వం వహించనున్నారు. ప్రస్తుతం ఈ చిత్రానికి సంబంధించిన ఏర్పాట్లు చకచకా పూర్తి చేస్తున్నారు. ఈ నేపథ్యంలోనే హీరోయిన్స్ వేట ప్రారంభించి ముందుగా సమంతను అడిగితే నో చెప్పిందని, ఆ వెంటనే ఆ ప్రపోజల్ వద్దకు తీసుకుపోగా 'ఎస్' అనేసిందని తెలుస్తోంది. కథ ప్రకారంగా ఈ సినిమాలో ముగ్గురు హీరోయిన్స్కి స్కోప్ ఉందని సమాచారం. ఇందుకోసమై రమ్యకృష్ణ, శ్రీయ, త్రిష, సమంతలతో సంప్రదింపులు జరపగా.. రమ్యకృష్ణ మాత్రమే ఓకే చెప్పిందట. రీసెంట్గా సమంత కూడా కుదరదని చెప్పడంతో తమన్నాను సంప్రదించగా వెంటనే రెడీ అనేసిందట. తాజాగా తమన్నాను దర్శకుడు భరణి కలసి, కథ చెప్పారని, అయితే ఆ కథ నచ్చడంతో ఆమె గ్రీన్ సిగ్నల్ ఇచ్చిందని అంటున్నారు. మరో హీరోయిన్గా కొత్త అమ్మాయికి ఛాన్స్ ఇవ్వాలని చూస్తున్నారట. Also Read: ఇకపోతే ఈ సినిమాలో రాఘవేంద్రరావు విశ్రాంత ఉద్యోగిగా కనిపించనున్నారని, ఆయన భార్యగా రమ్యకృష్ణ పాత్ర చిత్రానికి చాలా కీలకం కానుందని టాక్. కీరవాణి బాణీలు కట్టబోతున్న ఈ సినిమాకు సంబంధించిన అన్ని విషయాలను అతిత్వరలో ప్రకటించనుందట చిత్రయూనిట్. ఏదిఏమైనా 78 ఏళ్ల వయసులో దర్శకేంద్రుడు రాఘవేంద్ర రావు కెమెరా ముందుకు రానుండటం సినీ వర్గాల్లో అత్యంత ఆసక్తికర అంశంగా మారింది.
from Telugu Movie News | Movie News in Telugu | Movie Gossips in Telugu https://ift.tt/3gFrRCI
v
No comments:
Post a Comment